Japan Cozah Nih Remdesivir Cu Fehter Nak An Tuah Ve Cang

Japan cozah nih Covid-19 mizaw pawl thlupbul nak caah le zohkhanh nak caah Remdesivir sii cu hmanhmawh, lakhruak ngai in ningani (May 7) ah khan cohlan nak an tuah cang tiah theih a si.  Remdesivir sii hi U S kuttang ah a um mi company Gilead Science nih a tha ko tiah fehter nak an tuah hnu nithum ah Japan cozah nih lakhruak ngai in fehter nak le cohlan nak a rak tuah cawlh ve hi a si.

Asinain tulio dirhmun ah hin cun Gilead science nih Remdesivir sii hi ramkip ah chawlehnak bantuk in zuar ding tiang cun a si kho rih lo tiah theih a si. Hi Remdesivir sii hi chawlehnak ah zuar awk a that rih lo nak ruang cu Covid-19 mizaw hi vawlei cung ah an tamtuk hringhran caah ramkip mizaw caah si loin  zualhma deuh ngai cang mi hna ca lawng ah hman a si.

Cu ruang ah Remdesivir sii hi vawlei cung mizaw vialte hna le Remdesivir sii a herh mi vialte hna nih an hman cio khawh nak hnga ding ah Japan cozah nih cun chuah khawh nak tuanvo lak ding in timh tuah nak zong an ngei.

Remdesivir sii hi a riantuan ning fiang te le a dikning in theih dih a si rih lo caah mifim thiamsang hna nih an chim ning ah cun Remdesivir sii hi fim khur tein hman le pek hna cu an herh ko tiah zong ralrin nak an chim. Remdesivir sii hi tihnung deuh a si nak cu thisen chung ah an rawn/chunh hna tikah side effect a um kho I thin (liver) a rawk kho, lufah le luakchuah in an um khawh caah a hmang tu hna caah hin fimkhur ngai a herh ko tiah zong an chim hi a si.

Credit: VOA, Kyodonews. The Tahan Post

 212 total views,  1 views today

This function has been disabled for Chin 11 News.