Jacob R. Thang Nih Trinity Kongah Khuaruahhar Takin A Vun Phomh Ve Cang!

JESUH NIH KHUARUAHHAR THIL A TUAHMI CU THIANG THLARAU THAWNG IN A SI (Bible Nih A Ti)

“Trinity Ah Thiang Thlarau Riantuannak”

Trinity nihcun Thiang Thlarau cu Person asi i, Pathian asi tiah kan zumh. Jesuh le Thiang Thlarau an ipehtlaihnak kan zoh hna lai. Thiang Thlarau cu Person a sinak Bible in a tawinak in kan langhter hmasa lai.

(1) The Personality of The Holy Spirit

1Cor 12:11..Duhnak a ngei (Will)

1Cor 2:-11Hngalhnak a ngei (Knowledge)

Rom 7:27..Ruahnak (Mind) a ngei

Eph 4:30…A Ngaihchia kho (Grief)

(2) Jesuh Cu Vulei ah Minung A Sinak (Human nature) In A ra. Pathian Sinak (Divine Nature) Cu A Kaltak

Jesuh nih Sining (Natures) pahnih a ngei ticu Trinity he Oneness he kan zumh nain kan zumhning aa dang tuk. Oneness nihcun Pathian a sinak le Minung a sinak a pahnih in a ra i, a caan ah Pathian a Sinak in bia a chim i, a caan ah Minung a sinak in bia a chim tiah an zumh. A sinak pahnih hna an i iton i bia an i ruah ahcun an mah hmanh nih an i fiang kho taktak lo. Trinity nihcun Jesuh cu Pathian bak asi ko nain, a Pathian sinak (Divine Nature) kha kal tak in A Minung Sinak bak in Vulei ah a ra tiah kan zumh. Jesuh kha Sinak pahnih (God-Man) in rak ra sehlaw a thi kho lai lo. Minung lawng hi a thi dingmi kan si….

▪Phi 2:6-8 “Pathian SINAK kha a ngeih zungzalmi a si ko nain…Amah lungtho te tu in cu vialte cu a hlawt dih i sal sinak tu kha aa lak; Minung bantuk ah a cang i minung mui in a lang; Mi toiah aa dor i nawlngaihnak lam kha thih tiangin a zulh— vailam cung thihnak kha”

Jesuh cu Pathian a sinak kaltak in vulei Minung in a chuak. Minung bantuk in a fak a thei, t’ihnak a ngei, mi doi ah aa dor i, Pathian sinak siloin Sal sinak tu kha aa lak (Amen). Kanmah minung bantuk bak asi ve ko. Asinain Jesuh cu sualnak a ngei lomi (sinless) minung asi. Jesuh cu kum 33 vulei aum chungah Pathian a sinak in rian a tuan bal lo. Pathian a sinak in rak ra sehlaw Khamhnak Mission rian a lim kho lai lo. Setan nih Jesuh cu Pathian a si kha arak theih ziar caah “Pathian Fapa” na si…Lung hi changreu ah canter tiphun in a rak tukforh (Matt 4:2-10) Jesuh nih A Pathian sinak kha hmang sehlaw Messiah asi kho ti lai.

(3)Jesuh Cu A Thih Hlan Tiang Pathian Le Thiang Thlarau nih An Umpi

Jesuh cu minung bak si ko hmanhsehlaw Pa Pathian le Thiang Thlarau nih an hlaw lo. Jesuh nih Khamhnak mission rian tuan hram aa thok bak in Thiang Thlarau nih Jesuh cu a umpi i lam a hruai.

▪Jesuh Cungah Thiang Thlarau Atum i Jesuh cu Thlarau nih a um pi. “#Mi pakhatkhat cungah Thiang Thlarau kha a rung t’um i aa fut kha na hmuh tikah, cu pa cu Thiang Thlarau in tipilnak a petu hna ding cu a si ti kha na hngalh lai,’ a ka ti”(John 1.33)
▪Jesuh cu Tipil a ing hnu ah Thiang Thlarau in a khat i Thlarau nih lam a hruai. “#Jesuh cu Thiang Thlarau he khat in Jordan tiva khan a ra kir i Thlarau nih ramcar chungah khan a kalpi.(Luk 4:1)

▪Pathian nih Jesuh cu Thlarau kha tling tein a pek. Tling tein timihi (without Limit) asi. Limit ngei loin a thih hlan tiang a pek tinak asi.”.#Pathian nih a thlahmipa kha a Thlarau cu tling tein (Without Limit) a pek caah, Pathian bia cu a chim.(John 3:34)

(4) Jesuh Nih Khuaruahhar Thil A Tuahmi le Khuachia A T’hawl Nak Cu Thiang Thlarau Thawngin Asi.

▪”Nan timi hi a si lo, khuachia t’hawl khawhnak a ka petu hi Beelzebul si loin Pathian Thlarau a si i cu nih cun Pathian Pennak cu nan sin a phan cang ti kha a langhter” (Matt 12:28)

▪”Khi tikah khan Jesuh cu THIANG THLARAU nih lawmhnak in a khahter” (Luke10.21)
▪Cu thil lianngan cu, zeitindah Pathian nih Nazareth khuami Jesuh kha Thiang Thlarau le t’hawnnak a toih i Pathian nih a umpi caah zeitindah khuazakip ah aa chawh i khuachia t’hawnnak tangah a ummi vialte a damter hna kha a si.
(Lamkaltu 10:38)

▪A thih lai ahcun Pathian le Thlarau nih Jesuh cu an kaltak. A minung sinak in Pathian cu a hlam ruangmaang…. .”#Suimilam pathum tluk ah khin Jesuh cu a au i, Eli, Eli, lema sabakthani, a ti, a sullam cu, Ka Pathian, ka Pathian, zeicahdah na ka kaltak,ti a si”(Mt 37:56)

▪”Jesuh Thihnak in a thawhthan tertu cu Thiang Thlarau asi..”#Jesuh kha thihnak in a thotu Pathian Thlarau cu nan chungah a um ahcun…..”(Rom 8:11)

(4) Khrih Jesuh Cungah Thiang Thlarau Umpinak Cu Prophet bia A Tlingnak Asi

▪”Bawipa Pathian (JEHOVAH) nih THLARAU in a ka khahter. Sifakmi hna sinah thawng òha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah” (Isaih 61:1)

(5) Donghnak

A cunglei Bible khi zoh ahcun kan biakmi pathian a thiangmi Holy Truine God a asinak cu a fiang tuk ee.
Thiang Thlarua Pathian kong hi kau deuh in ka tial te lai. Mi cheukhat zumhnak nih an chim bangin….Pathian cu Pa chan ah Pa in aa langh, Fa chan ah Fapa in aa langh i, Thlarau chan ah Thlarau in a kan umpi anti. Cu Pathian cu Jesuh kha asi ko..timi cawnpiak thalo hi kan i ralrin a hau.
Bible ah Pa Chan e Fa Chan e Thlarau chan ti aum bal lo. Thumkomh kan Pathian cu vulei ser ka in atu tiang rian an tuan peng ko. OT zongah Thiang Thlarau riantuannak a khat. Thiang Thlarau nih hngalhnak kan pe chinchin ko seh. Thiang Thlarau Pathian nih kan umpi zungzal ko seh.

#NOTE Jesuh nih Pathian A Sinak a kaltak timihi Pathian Sinak A thlau tinak asi lo. Pathian sinak in a ra lo tikha asi. Amen…. Amen….

 250 total views,  1 views today

This function has been disabled for Chin 11 News.