Italy Cozah Nih Kum 80 Cung Upa Le COVID-19 Zawtnak A Ngei Mi Hna Cung Ah Biachah Nak A Tuah Mi Cu Ngaihchia Tuk A Si

Italy ram cozah le nawl ngeitu hna nih an ram chung ah ngaihchia le lung rawk ngai a si mi biachah nak pakhat an tuah mi cu kum 80 in a cung lei minung hna le COVID -19 zawtnak nih a phak mi hna paohpaoh cu I zohkhenh nak le thlopbul nak (treatment) pek an si ti lai lo I anmah tein thi ko cang hna seh tiah biachah nak an tuah hi a si.

Italy ram cu a tulio ah hin cun COVID-19 nih a den tuk hna ruang ah mizaw an tamtuk ngamsam I siibawi ti zong an I deih ti lo caah zual hma deuh pawl le kum 80 cung lei poah cu sii pek an si ti hna lo.

Cu ruang ah mizaw tampi hna chung in a dam kho lai tiah an ruah mi hna le bultawl awk ah ruahchan nak a um mi hna lawng caan pek in siibawi te nih an zohkhenh thlopbul (treatment) cang hna hi a si. Cun COVID-19 in a zaw cio mi hna lak zong ah a zual hma deuh cang mi hna hi cu an zohkhenh duh ti hna lo ruang ah an chungkhar pawl hna zong nih lungfah nak le ngaihchiat nak an ngeih sual nak hnga lo ding ah siibawi te zong nih ngaihthiam an hal ve hna.

Italy ram ah cun COVID-19 ruang ah a thi mi hna hi kum upa deuh lawng te an si hna caah kum 80 in a cunglei deuh pawl hi cu an COVID-19 positive an si ah cun treatment pek ti lo ding bak in nawl ngeitu hna nih siibawi te sinah nawl an pek hna hi a si.

Ref: fouryoumm

 252 total views,  1 views today

This function has been disabled for Chin 11 News.