Iran Nih Peh Hting Dung Pian (ပဲ့ထိန်းဒုံးပျံ) Hneksaknak Tuah Hratin Israel Cu Ralrinnak A Pek
Iran nih Pinlekuih (ပင်လယ်ကွေ့) ah rultuk ningcang cawnnak le hneksaknak a tuahmi cu Israel ralrin peknak a si tiah Iran ralkap chungah tuanvo ngeitu le nawlngeitu bik pakhat nih Dec 24 ah khan a chim hi a si.
A liamcia Dec 24 ah khan raltuk ningcang cawnnak le Peh Hting Dung Pian hmangin hneksaknak siseh Kha Rush (ခရုဇ်ဒုံးပျံ) hmangin hneksaknak siseh an tuah tiah theih a si.
Cu bantukin hneksaknak an tuahmi cu Israel nawlngeitu nih ningcang loin thil sual an tuahmi kongah ralrin peknak caah a fiang bikmi pakhat a si tiah Iran ralkap chungah nawlngeitu le tuanvo ngeitu bik Hu Sing Sa La Mi nih an ram thawngzamhnak hmangin a chim hi a si.
Raltuk ningcang cawnnak ah hin Iran ralkap nih Peh Htinh Dung Pian (ပဲ့ထိန်းဒုံးပျံ) a phunphun 16 bak hneksaknak an tuah i, an i timhmi paoh cu an khenh kho dih tiah a chim.
Raltuk ningcang an cawn chungah Peh Hting Dung Pian hna cu Iran nih vawi tamtuk hneksaknak a tuah caah Britain nih a mawh chiat colh ve.
Hi bantuk hneksaknak tuahmi hi pawngkam ram siseh vawlei cung ram dangdang ca tiangin tihlhaihnak a si caah hi hnu ah tuah nolh chap ti lo dingin kan nawl cang tiah Britain cozah ramdang pehtlaihnak mimistry zungpi nih cathanh an chuah ve.
Ref: Voice of Myanmar, The Fedaral Times
Leave a Reply