Israel Ram Ah A Um Mi Myanmar Miphun Pawl Cu October 5 In Vote Thlak Nak Nawl An Pek Hna Lai

Israel ram ah a um mi hna Kawlram miphun pawl cu 2020 thimnak ah hin October 5 thok in vote thlaknak nawl pek an si cang lai tiah Israel ram hrambunh Myanmar Embassy Office nih thawngthanh nak an tuah.

Israel le Syprus ram ah cozah nih umnak nawl an pek mi hna Kawlram miphun hna cu vote thlaknak nawl a ngei mi poh nih October 5 thok in 2020 Kawlram pumpi thimnak ah vote an thlak khawh cang lai tiah thawngthanh nak an tuah hi a si. Vote an thlak nak ding mi hmun hi Tel Aviv City chung ah a um mi Myanmar Embassy zung ah a si lai i October 5-9 tiang nifatin zinglei suimilam 9: 30 in zanlei suimilam 4: 30 lengmang vote thlak caan a si lai tiah zong an langhter hi a si.

Israel le Syprus ram ah a um mi hna chungin vote a pe kho tu ding milu zat zong hi Kawlram chung Election commission pawl nih fiang tein an rak kuat chung hna lai i minung zeizat dah cozah nawlpek nak thawng a phan mi an si le minung zeizat nihdah vote an pek khawh ti zong fiang tein Embassy zung ah an rak kuat lai tiah an langhter chap.

Vote pek ding in a kal ding mi hna Israel le Syprus ah a um mi hna zong nih a biapi taktak mi le philh awk tha loin Embassy zung ah an hmuhsak ding mi hna cu VISA an hmuh nak mi Original Passport le Myanmar hmat-pung-tin original hi an si I philh lo te bak in nan rak i ken chih hrimhrim lai tiah Embassy lei nih thawngthanh nak an tuah mi ah cun an langhter chih mi a si.

DVB

 159 total views,  1 views today

This function has been disabled for Chin 11 News.