Nihin New Zaeland suimilam 2:40pm ah Countdown supermarket at New Lynn ah ISIS he pehtlaihnak a ngeimi pa pakhat nih mibu cu namte in a sawh hna I minung 6 an thi tiah ET thawngzamh nih a chim. Mipa hi New Zealand palek nih meithal in thi lak in an kah colh ve.
Police Commissioner Andrew Coster nih a chim ning ahcun, mithattu hi palek officer pahnih nih an fuh ah hin mipa nih palek cu namte he a fuh hna ruangah meithal in an kah mi asi tiah a chim. Mithattu hi Allahu Akbar asi tiah theih asi. Athah mi minung 6 pinah pathum hi fak ngaiin namte sawhnak hliam an tuar. Pathum chungah pakhat cu a nunnak caah thinphang ngai asi tiah New Zaeland Prime Minister Jacinda Ardern nih a chim.
Relchap; Kayin ramkulh, Baan(ဘားအံ) pengkomh Wabutaw(ဝါးဘိုးေတာ) lam ah nihin zinglei ah ralhrang phu hna le brigade 1 kar Nuhkua(နို့ကြား) khua pawng ah kahdohnak a chuak, ralhrang phu lei in minung 3 an thi tiah brigade 1 in tat-hmu pakhat nih a chim.
KNU- brigade 1, battalion 1 kuttang tat-khuai 2 phu hna kahdohnak ah ralhrang phu hna nih meithal kuan khen ruang ah au thawng cu kan theih tiah cuka hmun khua pawng um mi khuami cheukhat nih an chim.
Cu kahdohnak a dih hnu caan tlawmpal ah, kaphnih kar kahdohnak hmun pawng Laytawgyi(လယ္ေတာႀကီးဘုရား) pawng zong ah kahdohnak a chuak than tiah khuami hna nih an chim.
Cun nihin September 3, zinglei suimilam 9:00 hrawngah ralhrang phu hna riahcaw phormi motor 21 cu Baan(ဘားအံ) pengkomh Wabutaw(ဝါးဘိုးေတာ) in Mipungyuat(မီးပုန္းရြက္) lei ah a kal, motor cung ah ralhrang zong an i tel tiah khuami hna nih an chim.#Salwee Press;TCP
Leave a Reply