ISIS nih Kabul Airport an kah, Afghan 60 hrawng le US ralkap 13 an thi

ISIS nih August 26 ah Kabul Airport an luhhnawh i mibu umnak ah bomb an puah, Afghan (Afghanistan rammi) 60 hrawng le US ralkap 13 an thi.

The Islamic State (ISIS) nih hi bomb puahtu hi kanmah kan si, tiah Amaq nih a thanh. ISIS pawl hi atulio Afghanistan ram a latu Taliban tapung nakin a sual-erlet (chimpit sual) deuh mi an si.

“Hi kahnak le thahnak hi kanmah he aa pehtlai mi a si lo i hi thil hi kan dohkalh,” tiah Afghanistan ram latu Taliban nih an chim.

Hi kong ah President Joe Biden nih, “US ralkap hi Afghanistan ram in kan chuak dih lai lo. ISIS pawl kan lehrulh ve hna lai. Kan ngaithiam kho hna lo. Kan philh lo. ISIS nih an tuar ve lai,” tiah White House i bia a chimnak ah a telhchih.

Hi kahdohnak ah US ralkap lei in 13 an thi i 18 hliam an tuar. Afghan pawl 60 hrawng an thi i 140 hrawng hliam an tuar.#Source: US News; THT