Iran President Ruahnak Petu Zong Coronavirus In A Nunnak Aliam

Iran ram nih bochan taktak mi le Iran President zong nih ruahnak petu ah a hman mi Supreme Court hruaitu Leader Mohammad Mirmohammadi cu Coronavirus in a nunnak a liam tiah Iran ramchung thawngzamh nih a tarlangh. Mohammad Mirmohammadi hi Coronavirus a ngei ti an theih hlan zong ah hin Iran President he zong hmuhton nak an ngei tiah theih a si.

Cu ruang ah President Ali Khamenei zong hi a ngandam nak kong ah lungrethei a si ko tiah Iran mipi nih an chim. Iran ram radio nih a chim ning ah cun Mohammad Mirmohammadi (kum 71) hi coronavirus in damlo ngai in a um caah siizung ah thlopbul a si I cu hnu ah siizung chung ah cun a nunnak a liam hi a si tiah an langhter.

Iran ram hi coronavirus zawtnak nih faktuk in a phak ve mi hna an si I vawlei cung ah coronavirus in a thi mi an tambik nak China ram a changtu a si tiah thawngthanh nak zong an tuah cang mi a si. Cu thi mi hna lakah Iran ram nih an ngaihchiat tuk khun mi cu an ram chung ruahnak cheutu a si mi zong coronavirus ruangah a thih mi le coronavirus in a zaw mi hna a thlopbul cuahmah tu hna Iraj Harirchi zong virus nih a phak ve cang mi hi a si tiah an langhter.

Iran ah chung hi coronavirus a karh ning a rantuk caah 5.5% tluk in hi coronavirus hi a karh caah China a hun changtu a si tiah thawngthanh nak an tuah nak zong hi a si. Nihin tiang ah virus nih a phak cang mi hna hi a tlawmbik ah minung 978 an si cang hna hi mi 55 cu an thi cang tiah an langhter chap rih fawn.

Asinain Iran ram chung ngandam nak lei vuanci nih an langhter ve ning ah cun nihin tiang ah virus ruang ah a thi cang mi hna hi mi 210 an si cang tiah an langhter ve.

Ref: D Khit Media

 223 total views,  1 views today

This function has been disabled for Chin 11 News.