Iran nih US an kah hnu ah Trump biachimmi points pawl

Nizan ahkhan Iran nih US cu tei rul an cham hna. Ballistic missile in US ralkap umnak hmun hnih an kah. Asinain a thimi an um lo. Iran lei zong in kah chap an itimh lonak kong biathli an thlah cang. Iran nih US a kahnak he pehtlaih in nihin ah Trump nih biachimnak a ngei. A chimmi dikthliar dihlak cu ka tial dih kho lai lo. Asinain a biapimi points tete a tawinak in ka langhter lai. “US President ka ttuan chung paoh ahcun Iran nih Nuclear hriamnam ngeih ding kan sianh lai lo’ a ti.

Kan ralkap hna cu timh cia tein an um ko. Iran cu hnulei aa tthawnmi a lo caah, cucu aho paoh caah thil ttha a si i, Vawleipi ca zong ah a ttha tuk’ Hlankan tein ralrin petu system a ttha tuk caah American a si ah, Iraqi an si ah a thi-lohmi an um lo. Uniform in a ummi American miralttha le thiamnak a ngeimi, Salam kan pek hna”

A sau tuk cang- 1979 ri in, iran nih Middle -East le a dang hrawh-ral le ralthawh tawhsawhnak ziatthalo a ngeihmi cungah ram tampi an lung a sau. Cu ni pawl cu a dih cang. aIran nih ralhrang pawl kha sponsors a pek hna pinah Nuclear hriamnam ngeih aa zuamnak nih a thangcho cuahmahmi vawleipi hi thinphannak a pek. Kan ngeihter hrim lai lo’

Kan hnuzarh ahkhan American nunnak thinphan in a chiahtu ralhrang cu kan kham hna. Keimah nawlpeknak in Vawleicung ralhrang nganbik, Qasem Soleimani cu American ralkap nih an hloh/thah. Quds Force ah lubik dirhmun in, Soleimani hi a chiakha takmi American dohnak ah tuanvo ngeitu bik a si. Hezbollah telh in Ralhrang ralkap tampi training a pek hna lawng siloin, mizapi lakah bomh a puah. Middle-East ram vialte ah thisen tampi a luangmi ram chung ral meici kautu a si. US ralkap tampi hmu a putter hna alwng si loin lampi ah bomb zong a chiah hna.’

Naite ah US rampi tuknak ah nawlpetu a si pinah Baghdad ah U.S embassy dohnak ah hnuphen in timlamhtu a si pinah American target in American dohnak tampi timtuahnak a ngei rih. Asinain kan kham cang.”

Soleimani kut ahin American thisen le Iran thisen aa neh. Hlanpi khan kan rak thah cang awk a si. Soleimani kan thahnak hi, ralhrang sinah biachah bantuk a si. Na nunnak kha man n angeiter ahcun, Kan minung hna nunnak kha thinphan in chia hna hlah”

President hlun Obama a von cemhpahnak: 2013 ah a molhmi Iran deal min an tthut hnu in, Iran purthaunak a karh chinchin. Cash bak in $1.8 billion an pekmi telh loin, US$ 150 billions an pek. Kan ilawm ti chim um loin, “Death to America” timi tu an au. Cun, Iran cu ralhrang sinah kal in, Phaisa pekmi cu ralhrang bawmhnak ah a hman. Yemen, Syria. Lebanon, Afghanistan pinah Iraq cu Hell ram ah a caanter. Nizan i Ballistic missile an kahmi zong kha keimah hlan in cozah tlaitu hna nih an pekmi phaisa in a sermi a si. Iran hi anmah rammi ca lila zongah thinphantertu a si. Naite ah Iran ram chung i sandahpiahtu minung 1500 a thah hna.

Joint Comprehensive Plan of Action/ Iran deal cu a dih zau ding a si thiam. Cu nihcun, Iran nih nuclear kong ah zeilam dah aa thim lai timi a langhter lai. Iran nih nuclear hriamnam ser duhnak a ngeihmi hi a chuahtak hrim a herh. Ralhrang a support mi hna zong a hngol a herh. England, Germany, France le China zong nih biatak hi an theih a cu cang.

NATO zong Middle-east ahhin biatak deuh in ithlak ding in ka hal hna lai. US Thawnnak Kong: Middle-East Zinan/oil hi kan herh lo. Kanmah tein a za zinan/oil kan ngeih ko. Kan ralkap zong keimah cozah tangah kan tthanter viar cang. Ralkap caah $2.5 trillion kan hman caah, kan ralkap cu hlan nak in a let tampi in an thawng deuh. Kan missiles pawl hi an ngan, an tthawng, an dik. An rang fawn. Tulio ahhin hypersonic missles pawl kan ser cuahmah. (hmanthlak ka taar chih lai). ISIS pawl cu 100 percent bak in kan hrawh cang hna. An hruaitu, al-Baghdadi zong kan thah. ISIS ralkap thong tampi kan thah hna. Kan tleih hna. Iran caah ISIS hi an ral nganbik a si ve. ISIS kan hrawh hi Iran caah thawngttha a si. A tak ahcun a ttuanti ding kan si.

Donghnak: A donghnak ah, Iran mipi le hruaitu hna. Nan inn ah siseh, ramdang kakip nan umnak ah siseh, a nuammi, a hlawhtlingmi future hi ngei ulaw kan in duhpi hna. US nihcun daihnak a kawlmi sin paoh he daihnak ser cu timhcia kan si. Ka Uar Tuk Caah a thar in ka vun share thanmi si. Ref: Zasang Cizah

 

733 total views, 5 views today