SAC ralhrang nih Yangon khuapi, Botataung i Inn an luhnawh ruangah thinphang in inn cung a zuang i a thi mi mino 6 ruak cu an chung le sinah pe loin SAC ralhrang nih a thli in vui an timh hna.
August 10 ah Yangon , Botataung myone, lampi number 44 inn number 38 cu ralhrang pawl nih an chim ning ah cun mino 5 hi thinphang in innka in an tla sual caah an thi tiin an chim. Inn in a chuak manh mi pawl zong ralhrang nih an dawi hna i an kah hna tiah khuami nih an chim.
Zeihmanh biafiang ngaingai kan thei kho lo, kan theih mi cu inn cung i a zuang i a thimi an um ti le mino 2 an thlaih hna tihi a si, tiah Botataung vengchung um mi pakhat nih cun a chim.
Yangon palek pakhat zong biahal nak an nei i, kan tlaih mi hna biahalnak kan nei hna i, inn chungah thilri an i kaipi caah mithi pawl hi buainak tuahpiak ding dirhmun an si tiah a chim. Cu caah mithil pawl hi an chung le sinah kan pe hna lai lo tiah an chim. Palek nih theihternak kan in tuah hna lai i, vui lai ah kan in auh hna lai tiah an chim. Mah kong hi cu palek nih tuanvo kan lak lai tiah an chim.
SAC ralhrang ruangah a thi mi pawl cu ကောင်းမင်းသန့်, ရဲမင်းဦး, ဝေယံထက်, ဝေဝေမြင့်, ကိုဝေဇော်, မင်းသစ္စာအောင် tipawl an si ih သီဟကောင်းဆက်, ပိုးကျော်ကျော်ခန့် cu ralhrang pawl nih an tlaih hna tiah Yangon hrambunh media pawl nih an tar. Confirm rih lomi a thi dang zong an um hna tiah theih a si.Falam Online Media
Leave a Reply