Indiana Ah Chin Mi Minung 300 Lengkai Sinah Covid-19 Positive Hmuh A Si

America ram chung I Chin mi pawl an tam ngai nak hmun Indiana ah Chin miphun chung ah minung 300 lengkai sinah Covid-19 rungrul hmuh a si cang tiah Indianapolis hrambunh Chin Community Center ah Manager a tuan mi U Moses Thla Lian nih a chim.

Indianapolis ah hin Chin miphun milu 24,000 hrawng kan um hna I cu chung ah minung 300 hrawng nih Covid-19 an ngeih cang hi a si I minung 80 cu an dam than cang tiah U Moses Thla Lian nih cun a chim hi a si.

“Kannih zong hi Indianapolis ah hrambunh in a um mi kan si. Indianapolis ah hin Chin mi milu 24,000 nak tamdeuh kan um hna I a tu ah cun minung 300 nih Covid-19 zawtnak an ngei cang tiah kan theih. Cun kan theih khawh tawk ah cun minung 300 chung ah 80 hi cu an dam than cang tiah zong kan theih. Hi zawtnak rungrul an hmuh mi hna hi kum 25 in kum 40 karlak minung an si hna” tiah a chim hi a si.

America ram chung ah hin Covid-19 zawtnak rungrul a ngei cang mi hna hi minung 92,5000 nak tamdeuh an si cang hna I cu chung ah a thi mi hi 52,000 an si cang hna, cun a damthan mi hna hi 11,0000 an si cang tiah April 24ni ah thawngthanh nak an tuah ning a si.

Ref: Chin News Journal – CNJ nih Kawl holh in an tial mi translate chin mi a si.

 259 total views,  1 views today

This function has been disabled for Chin 11 News.