India-Tuluk Ramri Buainak Ruang Ah Tuluk Nih An Ramchung MMA Fighter Pawl A Thlah Hna

Tuthla thok kaa hrawng ah khan India le Tuluk (China) karlak ah ramri hngak ralkap pawl fak ngai in buainak an tong hna I ramhnih ralkap karlak ah tamngai zong an thi hna. Kha buainak a chuah deuh hlan teah khan Tuluk nih an ramchung ah MMA vuak thiam pawl hna le tlang cung ah vuak a cawng mi hna pawl, kungfu (karate) a thiam mi hna pawl tamngai cu ramri hngak ralkap sinah a rak kuat hna tiah Tuluk ramchung thawngzamh ngan ngai mi pakhat nih a langhter.

Cun Mount Everest Olympic torch relay team ahai tel mi hna pawl, MMA club ah chungtal a si mi hna team 5 zong June 15 ah khan India-Tuluk ramri Lhasa ah an rak kuat cang hna tiah China National Defense News nih cun a langhter.

Cun ramri ah an thlah mi hna MMA vuakthiam pawl hna hi ralkap thisa a ngei taktak mi hna le ram mipi caah nunnak pek in vuak a ngamh mi lawng te an si hna tiah Tibet ralkap bawi nih a chim mi zong China National Defense News nih cun a langhter chih.

India-Tuluk ramri buainak ruang ah India ralkap 20 nunnak a liam tiah India ramchung thawngzamh nih cun an rak langhter I Tuluk ralkap lei in a thi mi zat tu hi hngalh a si lo tiah an langhter ve.

Source: Dhaka Tribune, The Hindu, Akon Thi

 

 111 total views,  1 views today

This function has been disabled for Chin 11 News.