India Ram Ah Priminister Modi A Kai Hnu In Vulei Cung Khrihfa Hremtu Ram 10 Nak A Si Cang

Pathian nung biak ruang i thahtuar le hrem tuar, India ram ah thah cang mi hi minung 6 an um cang tiah khrihfa pawl Persecution Relief nih an chim.

An thah mi hna minung 6 chungah hin nu 2 le hngakchia pakhat cu tlaihhrem hnua h thah a si tiah July 28 ah Persucution Relief report mi ah a tel.

Hindu a si mi Bharatiya Janata Party (BJP) nih kum 2014 ah Delhi le India ram chung state thenkhat ah an lal hnu in, hi bantuk India ramchung khrihfa hremnak hi a zual chinchin i, India ramchung state 29 ah State 22 pawl sinin khrihfa hremnak report a um tiah, cu report chungah a tel.

Khrihfa zei i a rel lo tu a tam u cu India ram biaknak pohpoh hi , Hindu biaknak ah thlen duhtu Rigth-wing Hindus pawl an si i, khrihfa pawl cawlcangh nak le missionary riantuan mi hnahnawh nak a pei ringring tu an si.

A hlei in India ram minung karh cak cemnak Uttar Pardesh ah hin khrihfa hrem nak hi a zual khun, cu ka hmun ah cun Pathian bia tu le, inn , biakinn pawl an khang piak hna i, khuachung i mi zapi i an hman mi, tii, electric tibantuk pawl hman an senh hna lo i cu ti cun an chiah tawn hna.

Persecution Relief foundder Shibu Thomas nih cun, India ram khrihfa hrem nak cu a hlan nak in let 40% in a karh . A nung Pathian biak ruang i a thi mi hi , tukum chung lawng ah hin minung 6 an si cang. Hi report hi kan mah i kan theih mi lawng si i, khuate lei khrihfa pawl i an hrem mi pawl hi cu , mei hna ah an rawh hna i fak tuk in an hrem hna caah an report ngam hna lo a ti.

 

India ram khrihfa hremhmang bik khua cu jharKhand, Odisha le Chhattisgarh hna hi an si i, tukum chung i,khrihfa that le hrem tuar minung 6 zong hi khuapi i a um mi an si.

India ram cu cuhlan kum sarih hrawng ah khrihfa hrem tuar nak ram 31 nak a rak si i, tuah cun ram 10 nak ah a tel cang.

 167 total views,  1 views today

This function has been disabled for Chin 11 News.