India Ralkap Nih CDF Hriamnam Tam Taktak Ramri Ah An Tlaih Hna

India-Myanmar Ramri Ah Assam Ralkap Nih Bomb Tampi An Tlaih
Chin ramkulh Matupi ramri le India ram Mizoram ramkulh Siaha District Zawngling khua pawngah Assam ralkap nih minung 3 le a puak kho mi thil tampi kan tlaih tiah thawng an chuah.

Mizoram Siaha District Mawhre khua pawng zongah 2021 December 31 ah Myanmar ramchung ah luhpi dingmi a puak kho mi thil Assam ralkap nih an rak tlaih bal cang.

Relchap: Karenni ram, Loikaw kha, Mong Lone ( မိုင်းလုံး ) sangah a um mi Technological University pawngah tuni January ( 21 ) ni zing suimilam ( 11:00 am ) hrawngah hriamnam nganmi, hriamnam fami thawng a thang i in pakhat zong a kang tiah thawng theih asi.

” Technological University pawngah in pakhat a kang. Kan ruah nak ahcun ralhrang nih an khangh mi asilai tiah kan ruah, hriamnam ngammi cu tutiang zong an thlah thluahmah k0. Ralhrang pawl nih cun meng ( 6 ) hmun hma lai in an rak kah, Ywartanshey ( ရွာတန်းရှည် ) le Mong Lone lei in meithal kah thawng cu kan theih ” tiah Karenni Deomcratic Front ( KDF ) lei biachim nak nawl a ngeimi pakhat nih Yangon Khit Thit Media ah a rak chim.

Nizan January thla ( 20 ) ni ah Biluchaung ( ဘီလူးချောင်း ) pawngah uknak chutmi ralhrang le Karenni Democratic Front ( KDF ) karlak ah kahdoh nak tlawmpal a rak um i PDF lei in ( 1 ) a khawng tiah Karenni Democratic Front ( KDF ) lei nih thawng an rak thanh.

” Ralhrang lei nih ram an thenh ( နယ်မြေရှင်းလင်းရေး ) ruangah kan mah lei ah an rak lut sual lai ti kan phan ruangah keimah nih hlethlai nak ka vatuah lio ah ralhrang pawl nih an ka hmuh. Kan mah lei in ( 1 ) sinper in an khen. An mah lei in an kan kahmi hi a tam, kan mah lei in cun mahtluk in kan kap hnalo. Kan mah lei an khenmi lakkhawh nak ding ca lawngah kan kah hna ” tiah KDF lei tuanvo ngeitu pakhat nih a rak chim.

Sinper in an kahmi PDF pakhat cu thinphan a um ngai, meithal kuan nih a keng lei in a khen i a cuap ah kuan cu a tan ruangah khuaihlai a haulai tiah KDF sin in thawng theih asi.

Be the first to comment

Leave a Reply

Your email address will not be published.


*