India Ralkap Le Tuluk Ralkap Karlak Ah Kahdoh Nak A Chuak, India Ralkap Pathum An Thi

India ram chung Kasmire pengkulh I Ladakh ah Tuluk (China) ralkap le India ralkap karlak ah kahdoh nak a chuah caah India ralkap minung pathum nunnak a liam tiah thawngzawmh nih an langhter.

Nizan June 15 ah khan I kahdoh nak hi a chuak mi a si I an I kahnak hmun Tuluk le India ramri ah India ralkap pathum zong an thih cawlh hi a si. Hi kong he pehtlai in India le China karlak ah buainak fak piin a chuah thai sual nak hnga lo ding ah ramhnih karlak ah chawnhbiak nak zong an ngei tiah India ralkap lei nih an chim. Cun Tuluk ralkap nih India ralkap cung ah hramhram in buainak chuahter lo ding le ramri kong ah kahdoh nak fakpiin a chuah than ti nak hnga lo ding zong ah an nawlpat hna.

Hi kahdoh nak a chuah ning hi Tuluk ralkap nih India ramri chung ah hriamnam he an rak lut I ramri an rak lonh mi ruang ah India ralkap nih an rak kah hna hi a si tiah China ralkap nih AFP thawngzamh ah cun an chim. Cun hi kahdoh nak le India ralkap pathum an thih nak ruang ah hin ramri ah a um mi hna ralkap larlak ah buainak fak piin a chuak lai tiah an phang ngaingai.

Nizan ah Tuluk nih a ralkap pawl thong tamtuk hna zong India le Tuluk ramri Ladakh le Galwa hrawng ah a rak kuat than rih hna. Hi kahdoh nak ah vawlei cung ram ngan bik a si mi India le Tuluk karlak ah thihnak tiang a phak hi kum zabu zei mawzat chung ah a voikhat nak zong a si.

India le Tuluk karlak ah hin 1962 kum ah voikhat kahdoh nak a rak chuak bal cang I cu lio ah cun India hi ningzak taktak in Tuluk nih an rak tei hna. Cu lioah cun Tuluk nih india vawlei meng tungĀ  14,600 tungvang kalh hi an kan chuh tiah India nih nihin tiang ah a chimpeng mi a si.

 201 total views,  1 views today

This function has been disabled for Chin 11 News.