India Nih An Serchuah Mi COVID-19 Runven Nak Sii Cu Minung Cung Ah A Voikhat Nak An Hneksak Cang

India ram ah sii ai lei thiamsang hna nih Coronavirus runven nak sii an serchuah mi pakhat cu a voikhat nak bik minung cung ah hnesak nak an tuah cang. Hi sii an serchuah mi hi a min ah Covaxin tiah an sak i Covid-19 in a zaw mi hna cung ah hneksak nak an tuah hi a si tiah New Delhi ah a um mi AIIMS siizung nih nizan (Friday) ah khan hneksak nak kan tuah tiah thawng an thanh hi a si.

Vawlei cung ah Coronavirus runven nak sii an serchuah mi tampi hna lakah India nih an serchuah mi Covaxin zong hi hnabeisei ngai mi pakhat a si ve. Cun India ram chung sii ai thiamsang hna nih Covaxin an hneksak nak hi hmun 12 ah a si i cu chung ah siizung ngan bak a si mi AIIMS zong hi ai tel ve mi a si.

Cun Covaxin sii hi an zumh ngai mi zong a si caah hneksak nak an tuah mi hi tlamtling a si ah cun vawlei cung hmun kip ah man fawitein zuar ding zong ah hnatlak nak an tuah cio cang hna. Vawlei cung ah milu tambik nak ram i pahnih nak asi mi India ram chung ah hin Covid-19 positive an hmuh cang mi hna hi 1.3 billion hrawng an si cang hna.

Cun suimilam 24 chung ah Covid-19 in a thi mi hi 757 an si hna i nihin tiang ah 31,358 an thi cang hna tiah an langhter. Cun India ram hi nihin ah cun Covid-19 a karh bik nak ram Top-3 ah ai tel cang.

Source: VOA

 127 total views,  2 views today

This function has been disabled for Chin 11 News.