India Minta (Actor) Minthang Taktak Pakhat A Nunnak A Liam

India ramchung ah muidawh le pumrua tha a si i mipi nih an uar taktak mi Bollywood le TV minthang Actor Sushant Singh Rajput cu tuchun June 14 ah khan a umnak inn Mumbai ah hri-awk in a nunnak a liam tiah theih a si. Actor Sushant Singh Rujput hi kum 34 a si i tuzing ah khan a inn leng ah hri-awk in a rak thi ko cu an hmuh hi a si.

Actor Sushant Singh Rajput a thihnak kong ah police nih hlathlai nak an tuah cuahmah lio a si ko nain zeihmanh biafiang an chim khawh mi a um rih lo. Cheukhat nih an zumh nak ah cun Actor Sushant Singh Rajput hi kan hnuzarh hrawng kha a dampah lo, asinain zeiti ngaingai in cun a um lo. Cumpi tlangrai sawhsawh bantuk in a um ko.

Cu ruang ah pulrai zawtnak Covid-19 ka ngei cang tiin a ruah caah hri-awk in a nunnak a liam hi a si theu lai tiah an zumh pah hna. Asinain hlathlai nak a tuahtu lei nih zeihmanh biafiang an chim khawh mi a um rih lo caah Actor Sushant Singh Rajput hi zeiruang bik ahdah a inn leng ah hri-awk in amah le amah nunnak ai lak hi a si hnga ti cu fianghlang in chim khawh a si rih lo.

Tuchung ah Actor Sushant Singh Rajput thihnak thawngpang nih India ramchung lemcang vialte hna le mipi dihlak zaang uai ngai in a chiah hna. Biafiang theih kan duh ko tiah ca an tial cio.

 159 total views,  1 views today

This function has been disabled for Chin 11 News.