India Le Tuluk Ram Karlak Buainak A Zual Tuk! Tih A Nung Cang!

Van Tum- Atu lio India le Tuluk ram karlak buainak cu a zual deuh ngai2. India ralkap 20 an thi ti si i Tuluk lei ralkap zeizat set an thih le an i hliam timi belte fehternak a um rih lo. Mah hna ram hnih buainak hi zeitik hmanh ah a dong kho lo dingmi ramri buainak a si ve. Kum 1914 lio ah British nih ramri a rak cheuhmi hna cu Tuluk a hnatla lo. Kum 1962 lio ah fak ngai in ramri kongah an rak i tu i Tuluk nih a rak tei ngai.

Kum 2012 Xi Jinping a kai hnu ah atu hi a voi linak an buai si cang. Kaphnih lei in meithal puah lo ding tiah fak piin an i forh lengmang. Atu tan an buainak cu India ralkap nih Tuluk he an ramri ah ralkap umnak tampi asak i hriamnam tampi a chiah ruangah Tuluk a thinhar ve. I atu tan buainak ahhin kaphnih in kuttum, thingtan le lung hmang in an i tthua hna. Tuluk cu kan theih cio bang atu lio ahcun a zei lei poah in a tthangcho ning a rang bik ram a si kan ti khawh. Asinan India nih hin a ti vemi cu kum 1962 lio bantuk kan si ti lo a ti a ngamh tuk ve cang. India zong cu a zei lei poah in a thangcho ngai ve cang. I tawng taktak hna seh law zeidek an hei lawh hnga. Tuluk nih cun a tei ciami ram hrat cu tei tthan ding cu a zum ngai ko lai. India hi Pakistan he zong ramri kongah an buai lengmang fawn. Tuluk le India ramri buainak hmunhma hi a tam ngai, a sau ngai, hmunkhat ka lawng a si lo. A tawinak in ka van thai fukfak. Ramri cong kaphnih ralkap lei cun an i ngamh tuk veve hna.

 204 total views,  1 views today

This function has been disabled for Chin 11 News.