India Actor Sushant Singh Thihnak Kong Cu Bihar CM Nih CBI Kut Ah Chiah A Duh Nak Kong A Chim

June 14 ah Mumbai i a um nak in i a thi mi India Actor Sushant Singh thihnak le buainak kongah, Bihar chief minister Nitish Kumar nih cun CBI cawlcang hna seh ti a duh nak kong a chim.

Natish Kumar nih cun a chung le nih a rem an ti caah FIR chiah nak kongah hin CBI i tel hna seh law a tha lai tiah a chim.

Sushant Singh pa KK Sing nih cun a fapa thih nak kong ah hin CBI kut ah chiah a duh nak kong zong a chim cang i, February 25 hlan hawng khan a fapa um tu ning a dik lo nak kong le abeidongh nak kong cu Brandra Police sinah a chim i, palik nih hma an la duh lo nak kong zong a chim chih.

Bollywood super star Sushant Singh thih nak le buainak hi fawi teah a dih kho lai lo ti cu a fiang cang, caan a kal mi chungah daih lei panh lo in buainak a karh chim lengmang. National media lei zongah hin tichun ni tiang in Sushant Singh thihnak kong hi rel ding a um peng tiah theih a si.

 104 total views,  1 views today

This function has been disabled for Chin 11 News.