Immigration Aa Daw Cukmak Mipeem Chungkhar Dawtu Joe Biden

‘Umpu Hlun In Zuhoi Awmmi Cu A Thaw’ ti a si rua. Kan chuah hlan 1973 khan President Joseph nih ramkhel rian ‘Senate’ pi ah Senator a rak ttuan rawh. A philh cia hmanh khi kan hngal rih lai lo. January 20 in ni 100 chung a tuan dingmi fiangte in a rak chim cang, chim lawng a tling lo, a ttuanchuah nakding ‘plan’ a telh dih.

1. Covid-19 baih ding nambar 1 papek ah a chiah. Dr Fauci le scientist pawl he an i bawm lai le USA pi nih Covid 19 a chak in a rengh zau lai zumh a um.

2. Immigration: Aa daw cukmak mipeem chungkhar, nu le va, nu le fa tthen cukmak cu, dawtnak thinlung a ngeimi caah cun, cohlan mi a si kho lo. Phung ning lo in, na hung lut, ‘ngathu, nan ram ah kan in kuat lai, nang meimei,’ ti phun ruahnak cu, ‘misual bawi’ uar phun a si. Na dirhmun a chia le dirhmun remhnak lam le caantha kan in onpiak lai ti cu, dawtnak in a chuakmi a si fam.

3. Equality Act: Duh a nung lo tukmi, a lar lo tukmi le mihuat mi va humhim khi ‘immoral’ a si lo, ‘unconditional love’ tu a si. ‘LGBT’ covo humhimpiak nakding phung a buaipi lai. Australia nih cun, hi bantuk phung hi ai ngeih diam rawh. A tlangpi in, Australia ram khuasa mi vialte (duhnung lo Laimi kanmah zong cu) hi bantuk Equality Act nih a kan humhim daih. 4. Criminal Justice System

A chung kan purh khawh set lomi thil khi ’emotion/ false assumption/ prejudice’ khin kan va comment ve tawn. A reltu ning tu a rak zak ziar. Racial Injustice remh a timhmi, rampi huap palik nunzia zohfeltu commission dirh a timi tehna, palik recruitment, training le professional conduct standard tehna sanh aa timhmi khi ka thangtthat tuk hringhran. Nambar ka tialmi khi ka duh paoh in hnu le hmai ka thlen hna. Tlawmte lawng ka run tial hna. Catialtu: Salai B Chan Khar