ICJ Biaceih Zung Ah Suu Kyi Nih Bia A Chinmi

ICJ biaceih zung ah Suu Kyi nih a chimmi pawl chung in a tawinak in tlawmpal te ka hun langhter. Suu Kyi bia a chim ahhin Rohinya ralhrang pawl deuh kha ti ve hna.

Jews miphun million 6 thahnak kong te hna kha a chim. Mah bantuk pawl kha genocide ( miphun thahnawnnak ) cu a si tiah a chim.

Rakhine rankulh ahhin AA hriamtlai he zong kahnak a chuah pah cuahmah. Rakhine ramkulh 2017 ah Rohingya ralhrang ARSA minung 400 hrawng nih palik sakhan voikhat an kah nak in Rohinya buainak hi ai thawh mi a si.

Cu Rohinya ralhrang hna cu Kawl ralkap nih hmun 12 ah an kawlhawl hna. Rralhrang pawl hna kawl tikah hin i palh khawh i civilmi zong thahnawnnak a um kho ko. Helicopter in ralhrang tukkahnak ah i palh in civilmi thahnak zong a um kho ko. A ruang cu ralhrang le civilmi hi thleidan a har caah a si.

Kotapin ah ralkap nih sualnak an tuah mi zong ah khan ralkap biacceih zung ah kan chuah pi hna i kum 3 thong le rianhrang pek an si. Inndi khua i thahnak an timi zong hlathlainak tuah cuahmah i ralkap biaceih zung ah chuah pi an si ko lai.

Rakhine ramkulh ah AA le ralkap he kahnak a um peng. Paletwa peng ah hriamtlai 400 hrawng he i kahnak zong a um peng. Mah bantuk hriamtlai le cozah ralkap i kahnak kar ah civilmi an thihmi hi miphun cihmih ( genocide ) tiin cohhlan le pom awk a tha lo” tiah a chim.

 

 177 total views,  1 views today

This function has been disabled for Chin 11 News.