ICJ Biaceih Zung Ah Suu Kyi Nih A Chim Te Lai Tiah Ka Ruah Mi

ICJ ah Suu Kyi nih a chim te lai tiah ka ruah mi tete. Myanmar cozah tlaitu a simi Min Aung Hlaing, Daw Aung San Suu Kyi, Htin Kyaw, Win Myint le Thein Sein cu tazacuai OIC ram hna nih ICJ vawlei biaceih zung ah tazacuai an si.

Cu kong he pehtlai Suu Kyi nih keimah ka kal lai tiah a ti caah Suu Kyi hruainak in an kal hna. December 11-12 khi biaceih zung ah bia an chim cio cang lai.

Biaceih zung ah zeitindah Suu Kyi nih bia  a chim te lai tihi ruah awk a har taktak. Kawl ralkap he zong an i tong cang i Tuluk cozah he zong an i tong cang. Vawlei cung sihni thiam an hlan ve hna. Cuticun an bia in an i phomh cang lai.

Suu Kyi nih Rohinya kong ah a chim pengmi cu ” kan ram cu Democracy kan si ko nain ralkap uknak ah kan um rih. Ralkap nih hlutraw ah thutnak an lak peng rih caah ralkap thawnnak a zor kho rih lo. Kan ram daihank ding caah khua kan khang cuahmah ko. Kum 70 reng lo a buai cangmi kan ram hi kum 5 chung fai ahhin tamtuk a dai ko nain a dai thlu kho rih lo.  Asi khawh chung in kan i zuam cuahmah ko” tihi Suu Kyi nih kan ram buainak kong ah khoika paoh ah a chim pengmi bia a si.

Tutan ICJ biaceih zung zong ahhin Suu Kyi nih a chim dingmi bia cu ” Rohinya miphun hi Bangladesh ah a ummi zong kirternak kan tuah cuahmah ko. Kan kirter cuahmah ko hna. A si khawh chung in humhim kan i zuam cuahmah ko tiah a chim te ko lai tihi ka zumh mi a si.

ICJ biaceih zung ahhin Kawlram hi sualpuhnak an tuah mi ah Rohinya miphun nih teinak a hmuh te ko lai. A bia an thluk dingmi cu Bangladesh ah  a ummi ralzam hi Kawlram ah tha tein kirter ding le Rohinya hna citizen pek i nuhrin covo tha tein hmuhter i zuam ding. Rakhine ramkulh ah UN hlaihlaitu tha tein thlah ding timi pawl hi khua an khan te ko lai. A tlawmbik ah kum 5 chung tel cu UN le ICJ nihhin an zoh rih te lai tiah zumhnak ka ngei.

 

 223 total views,  1 views today

This function has been disabled for Chin 11 News.