Iang Len Sung Zong A Lungfak Tuk E!

Pi Van Bawi Hnem thilton mi nih mipi lungthin a father ngaingai. Hi kong he pehtlai in singer Iang Len Sung nih ngaihchia le lungkuai ngai in hi ti hin a rak tial “Thinlung a fak i, mitthli a tla ko.. Kumkhat chung thi le sa zong reu dihin le chawva tampi dihin ttuan mi, Cikkhat te i lohtlau dih cu ruah ah thinlung a fak khun..စီးပွားရေး (Sipuaizi) caah an timi khi va sisehlaw phundang, harsat ruangle dam lo ruang i sizung umnak le i thlop nak chambau tuk ruangah zeitel a ttha hnem hnga maw tiin tuah mi hlohhlak piak dih cu lung a nuam lo ngai te. Nawl buar ruang le theih lo ruang i tuah sual mi ruang ah cun Dan i tat phung siko.Sinan mi paw cawmnak hrawh dih le phundangin chim ah cun mi paw khuai cu a poi bak.. Khuate dawtnak thinlung he hmailei cu rian ttuan kho usih law tthatuk hnga mu!” tiin Iang Len Sung nih cun a rak tial hi a si.

Pi Van Bawi Hnem Le Hakha Sipin Konglam Fainter Nak: Chinram kulh kan t’hancho khawh lo nak a ruang cu mah bantuk rian t’uantu kan i neih mi hna ruangah hin a si bik ko.Chinram kulh chungah zuar lo ding,tuahlo ding tiah khammi tampi a um ko.cu chungah a tutan bantuk in Chinram kulh chungah Ai thing hi zuar hlah uh tiah khap mi le kham mi a si bal loh.Halkha sii pin nih a tutan thil an tuah mi cu a tuartu caah cun lainawn he aa khat bak.hi kongah a tuartu nih fianter nak a tuah ning cu a tang lei bantuk hin an si.

Thawng Fiang A Lang Cang.Halkha sii pin nih aithing an ka rawh piak mi Thantlang Peng Tlanglo khua Pi Van Bawi Hnem hi Tlanglo ah loram ai thing no a tuah mi te, a mah kutke tuan mi in a chuak mi a van phuk i zei tal a t’ha hnem hnga maw tiah August nii 24 zanlei sang ah Hakha a phan i market ah a va pek colh i a muih cilh hna caah a thaizing pek ding in (sala eih 10 le a tan) cuai (176) hrawng cu market hmai ah an chiah ta.

Cucu Sipin tuanvo ngeitu nih August nii 25 zing ka teah motor in an phurh ii (suhpawngzung) ah an kalpi. A ngeitu nih a theih le cang ka in voi 3 bok a va nawl hna. Khuate mi ka si zei hmanh phung le lam theihmi ka ngei lo le ka ngeithiam ko uh. Nan phung le nan lam ka buarmi a um ahcun a cawizong ka cawiter ko uh, dan zong ka tat ko uh law a ai thing cu ka pe ko uh a ti hna nain an duh lo. An pu zong ton ngah lo an ti ii an pu zong a tong kho lo.

A voi 4 nak nawl ding in a va kal ahcun hnawm rial nak in an rak rial piak dih ko. A lung fahtuk ah nii 2 chung bak a tap. An pa sizung piah nak ah a van zuarmi a si caah a fak khun. Hihi thil sawhsawh a si lo. Lothlo nu lothlo pa nih kumkhat chung ai thlawhtuan vemi hrawh piak dih hi zei hmanh a tlawk nak a um lo mi a si. Cun a sullam a um lo tukmi a si.

Cerhchan: DVC TV NEWS

 218 total views,  5 views today

This function has been disabled for Chin 11 News.