Iang Len Sung Le Van Lal Sailo An i Chonhnak Cu A Mak Law Law!

Kan Farnu Hlasakthiam Iang Len Sung cu aa lawm taktak lai! Laimi le kan unau mizo nih kan uar taktakmi Vanlalsailo nih bia duhnung takin a vun ti ve! Vanlalsailo hi hlasakthiam tukmi a si ti kan theih, mi thiam nih mi thiam dang a theih ti a si bantukin Sailo zong nih Iang Len Sung hi a theih bak! Iang Len Sung cu ti bak hin a ti!

“A fan ka ni ve tlat a. Ka naute hi chu ka lawm em a ni.. a zawng zawng hian a zai a @ianglensung_ lo zin teh zai dun teh ang” tiah Sailo nih dawtnak he a ti. A sullam cu “A fan (uartu) ka si ve. Ka naute hi ka uar tuk e.. A sinak dihlak in hla a sa i, @Ianglengsung_ rak tlawng law hla sa tti tuah u si” tinak a si. Van Lal Sailo nihhin a rak uar bak!

Iang Len Sung nih a leh ve: Wooww Ka idol emem i nia ka rawn zin veleh min zai pui chu a ngai ang. Chuan ka Lawm e. Pathian in mawlsawm zel che rawh se i hla hi nitin ka ngaithla ziah thrin ka lawm e. “Woww Ka idol bak na si i khual ka rak tlawn tikah hla na ka sakpi a hau lai. Cun kaa lawm. Pathian nih thluachuah in pe seh, na hla zong nichiar ka ngai tawn ka lawm.

A dang zong relchap:

Khah hlasakthiam kan farnu Iang Len Sung nih zaangfak bawmhnak a hal. Hi kong hi biatak deuh in ruat hna usih. Midang nih har le fe te le tangka le thazaang tampi dih in video an tuahmi fawi tuk in i download piak in Facebook ah taar piak hi kan sia a rem hrim hrim awk a si lo. You Tube zong ah kan taar piak ding a si lo. Tuchan ahcun Facebook le You Tube video hmangin tangka kawl khawh a si ti hi kan theih a herh. Tuchan ahcun DVD le CD pawl an man ti lo, zuar zong ah cawk duh a si ti lo. Internet lawng lawng hi kan hlasakthiam hna nih tangka an hmuhnak lam a si ve. Hibantuk a hmangmi cu thil fir he aa dang lo. Theih lo ruang a si ahcun kan zia kan i thinh colh a herh.

Midang video fawi tuk in na fir i upload na tuah ahcun copyright phung na buar a si. Hihi phung nih a onh bak lomi thil a si. Cun kan hlasakthiam pawl hi thazaang peknak ah Share lei tu kan hman awk a si. Lai mi nih hi kong hi kan theih thiam rih lomi hi a poi tak tak. Kan unau mizo pawl hi zoh hna usih. Mi video upload in You tube le Facebook ah taar piak a hmangmi cu an mual an i phoh bak ko. Hi kan zia hi tinh hna usih. Hibantuk in kan video kan tuahpiak ve se law kan duh lai maw ti hi kan ruah a herh. Lai hlasakthiam minthang Iang Len Sung zong aa sum kho ve ti lo. A mawh hrim hrim lo, Hi ti hin a tial, Zaangfah Nawl Nak, Zaangfah nak ten, ROSUNGBIK ALBUM Hi Chinstar MTV Dah tilo Zaangfah nak ten a ho hmanh nih FB – YouTube Chanel A dangdang ah rak ka chiah piak lo ding in kan nawl hna…Cun Zaangfah nak ten midang nih an hmuh cio nak hnga Share in ka bawm cio ulaw, Zuar kan i thawk bak lawng a si caah, Fb – Youtube Chanel ah chiah kan siang rih lo’