I Ralring Chin Lengmang A Herh Ko Ee! Falam Ah COVID-19 Mizaw Hmuhchap

Sagaing Ramthen Kalay, Cuhtungpin in Surbung Glof ca ah mirang vawlei le tlakrawh a rak phurmi Forland mawtor ah COVID-19 mizaw positive pakhat hmuh a si tiah kan theih.

2020 November 19 suimilaam 3:15PM tluk ah Cuhtungpin in a rak ra mi Forland motor pahnih a zultu minung pathum hna cu zawtnak an chek hna i atu bantuk in pakhat sin in an hmuh hi a si.

Zawtnak hmuh mi cu Falam sii-inn ah an kalpi colh i a taang a hawile hna cu Facility Quarantine ah an chiah hna tiah kan theih. Atu Falam sii-inn ah COVID-19 mizaw minung pali zohkhenh lio an si. Credit: The Hakha Post

Relchap dingmi: CNLD nih tukum ah teinak kan hmuh lo caah Party dirhmun cuanh thannak tha tein kan tuah. Kum 5 chung kan cawlcang, biatak tein tlang kan au ve nain teinak kan hmuh pi khawh hna lo ruangah Hruaitu Lutlai thlen nawnnak kan tuah men lai tiah Salai Ceu Bik thawng nih a chim.

Hi thlennawnnak kan i timhmi hi vawlei cung ramkhel dirhmun in an kal pi mi a si ko. USA ramkhel boruak zong cu hi ti bantuk hin an kal pi tawn ko. Cucaah teinak kan hmuh pi khawh hna lo caah thlennak tuah kan timh zong hi a si tiah a chim hi a si.

CNLD hi minung ah hram a thla mi kan si lo. Mi tampi nih Luthum hruaimi an kan ti , Luthum nih a hruai mi le Luthum ah biachahnak a tuahmi kan si lo. CNLD cu policy ah ram a thlami kan si.

Tahchunhnak ah NLD hna cu minung pakhat nih dirhmi , minung ah hram a sihmi an si. A sinain CNLD cu kan si ve lo. Cu caah thlennak kan tuah lai i, a ralaimi caan ahcun mithar nih an hruai cang ko lai. Party conference kan auh lai, cun khuate, khuapi tiah a dotdot in thimnak, hruaitu i siamremhnak kan tuah lai.

Keimah GS siseh, President zong a thar an kai ko lai, hi ti ka chim tikah CNLD in kan chuak lai tinak a si lo. Rian an kan peknak poh ah kan tuan lai i, thih tiang Miphun caah kan tuan ko lai tiah a chim fawn.

Salai Ceu Bik Thawng nih thlennak kan tuah lai a ti tikah PU No Than Kap, Pu Zo Zam, Salai David Ngaisak le A mah Salai Ceu Bik Thawng hna hi CNLD in an i din cang lai tinak a si lo. Cun Kan tuan huam ti lo tinak zong a si fawn lo. CNLD cu minungah hram a sih mi kan si lo pumpak ah kan dir lo i, Policy ah a dirmi kan si caah mithar nih an hruai ve awk a si. Kan mah pawl zong rian an kan pek nak poh in kan cawlcang ve rih ko lai a ti duhnak a si. Credit: VOM