I Duh Cukmak Le I Dawt Cukmak Bu In Maw, Kan Tian Lan Ko Lai, Ral A Tu Mi Hna Nungak Caah Cun Ngaih A Chia Taktak

Ram buairuangah a duh mi nungak tlangval minung zeizat remruam hme mitthli he i ton khawh tilo in an nun an i liam tak cang hna. PDF le CDF tlangval thatha hna nih an nungak pawl cu vulei ah an i duhcukmak bu le kan i hlam cukmak buin an i liam cang hna.

Hmailei ah zeidah a cang rih lai timi hi theih a si lo, kan boruak hi a that lei nakin a chiat lei a tam deuh chin lengmang. Nungak tlangval lio i thildang ruang si loin raltuk nak in nunnak an liam tak mi zoh tik ah celh ding a si lo. Mipi zong nih kan tuar pi ning hna hi a fak hrinhran ko. Nunnak pakhat te lawng neih mi bak ram caah an pek i an liam tak mi hna an nungak caah tuar a har taktak ko mu.. Kan pasaltha hna him tein Pathian nih in um ko hna seh law… Nan mipi nih nan caah thla kan cam ko

Relchap>>>>>>>Khuapi chung um Mino ka hawile hna, Zeiruangah ah Sport day nan tuah nak, KTV nan kai nak, Buti nan ei nak, dawr thatha ah rawl thaw thaw nan ei nak, tiva nan kalnak, hawikom he nan inuamhnak pawl Facebook ah tar lengmang hlah ulaw kan in timi hna hi a ruang nan ifiang rua lo.

Nanmah bantuk in nuamh a duhtuk cingling a si vemi Mino tampi cu ramtang ah ihnak rep ngei lo le hmakphek hmanh duh in ei awk um loin Miphun le ram caah an nun an thap an caanttha vialte an pek. Hihi anmah rian hlei a si lo. Na rian ka rian a si ve!

Mah bantuk in harsat an tuar lioah an hawile nih nuamtuk in nan ummi an hmuh ahcun an lung a zor ve cuh. An in hngar hna. Kir an duh. An Nu le Pa nih an in hmuh hna tikah kannih fa vial hitluk har a tuar midang vial hitihin an um kho an ti i an fale kha kir an fial hna. Cuti cun i nuam dih usilaw hodah kan Miphun dohthlennak cu a tuah kun lai.

Cun kan hngalh awk pakhat cu tu bantuk in zalong nawn tein lenvah le nuamhsaih ter khawh kha Uico ralhrang pawl nih an i timhmi cu a si cuh. Mah tihin kan chiah hna lai i dohthlennak thinlung tlau seh i nuam hna sehlaw kan uk hna lai ti kha an duhmi a si. Cucaah nan lungsia a rem ko ahcun i nuam ko uh. Mah belte zei kan ti hnga Facebook ahcun kan post piak len ti hlah uh tiah Hakha khuapi chung um ka hawile vialte kan nawl ko hna.

(Kannih zong nanmah he hmunkhat teah lentecelh le nuamhsaih kha kan ngai tuk ve ko ee😔😔😔 Tu lio cu nuamhsaih kan isum ve mi te zong hi dohthlennak caah a si tiah ruat ko hna usi mu. Cun kan tei tikah tu lio kan isum mi vialte ca he kan inuam te hna lai mu😍)
Nan hawi,
#Salai_Aung

Be the first to comment

Leave a Reply

Your email address will not be published.


*