I Cei Hna Seh! Khuabawi Le A Hawi Le Pawl An Thah Than Hna

Yangon Khuapi um mi Swe Pyihta peng, Taung Ohkala peng le North Ohkala peng hna ah tuni August 14 ah Bomb puahnak an chuak I Mingaladone peng zongah sang khuabawi zung cu a ho ti theih lo mi nih meithal in an kah tiah khuami hna chim nakin kan theih.

Swe Pyihta peng ah tuni chun suimilaam 2 hrawng ah block 8 sang, Zuksin zung hnawmkhur ah bomh voi 1 apuak I North Ohkala peng Miinta lision zung pawngah bomb puahnak 2 acang I a voi 1nak a puah cu chung suimilaam 1 hrawngah acang. A voi 2nak a puah cu zaan lei suimilaam 5 hrawngah a cang I hliamhma atuar mi an um lo tiah khuami nih an chim.

Cu pin ah North Ohkala peng zongah tuni chun suimilaam 11 hrawngah Ya- sang/veng ah khemahti lam cungah a ummi Myone Ohchohyihmu zung pawng ah voi 1 puah nak achuak I hliamhma atuar mi an um lo tiah khuami hna nih an chim.

Mingaladone peng zongah Kyinkhinsuh sang Ohchohyihmu telh in Ya-Innhmu, Se-innhmu pawl metting an tuah lio ah zaanlei suimilaam 1 hrawngah a ho ti theih lo mi nih meithal in an kah ruangah an khuabawi le a hawi le minung 3 cu hliamhma an tuar tiah theih asi. Crd: Khit Thit Media