Kanbalu peng mipi ralkap phu zung honnak puai ah vanlawng in bom an thlak i minung 50 leng an thihnak hmanthlak cu zoh ngam zong a si lo, ngaih a chia hringhran ko. Ngakchia le nu tampi an i telmi hmuh ah lung a fak khun.
Ralkap a tanhtu minung tampi nih Telegram ah an i lawmh ning an tialmi ka hmuh ah ka khuaruah a har, huatnak a ngan tuk cang i minung lungput an ngei cio ti lo timi a lang.
Khat lei ah, mipi ralkap nih hriamnam ngeilo USDP member, cozah riantuantu le khuabawi an thah tawn ve hna tikah dohthlennak a aupitu tampi an i lawmh tuk tawn khi ka khuaruah a har ve. Kan ram cu phu khat le phu khat teirul i chamnak in thisen ruahsur peng rih dawh a si.
Relchap>>>>Upat Tlak Taktak Kan Ralkap, Miphun Caah Nunnak A Pe Mi Hna Zaang An Faktuk Ee
Upatnak Hla
Ka Nu,
Ka kal a hau ko.
Kan chumtual ah
guitar tum thawng a king ngai cang lai—
i co lo hnuhnu cun
ka dawt
thiing ah tonter te ding fa zong
ka ngei kho lai ka zum lem ti lo.
Cuticun,
kuan le zen karlak ah pacancuh nun he
ram zawlrunnak ah a nun a thaap.
Ramleng chuah i nunning thlen a duh ve ko
Caparsang kai a huam tuk rih!
Thaizing a pahnak ah a sam zong an par diahmah cang
Khuahlum rualhawi an ṭio riahmah cang.
Thlithup in khua pial zawn
uifir bang misingpi a lo ai ee—
Pokhlat in innka kingh a hmannak kum 20 ringlo a si cang.
Ruahsur lakah ruahdor puan bang aa vorh
Sianginn kai hawile a mitthlam ah an no peng rih
Cutluk a hlunmi mitthlam pawl he
Thaizing a nawr zungzal ko rih—
Cazoh pah
meipung kam ah thanthlingsen
cil buah in a nawn tawn kha aa thei.
A pi nih tikor meiṭil ah a hei phut haw zong
a hnar ah a caam peng rih bang
nizan tihni te a lo.
“”
Ka nu,
na thlan cung ah sau ka ṭap manh lo
Ka pa he pingvarceu thlacam a kal lai ah kan i tong ta
Dam te’n ka um si kun
November thla ah ka rak in veh ṭhan te lai mu, ka nu
Thisen aa tellomi luatnak a kawl
tutiang a hmu kho hrim lo.
Zalonnak kuanfang khat nih
a nunnak a laak khawh zong aa thei—
Nunnak dih tah a ṭih maw?
A zenh kho tuk ko, nain a rianpi alim rih lo.
Thaizing zong a luancia caan bang
kan unaupa nih a pah cuahmah ko rih lai.
KT (2002)
#ThinlungDorTete chung in p30-31
Leave a Reply