HRW: Myanmar Thongtla Pawl Chuah Bang An Hau

Ram tampi ah Covid-19 i chonh a tlawm khawh nakding caah thongtla an tamnak thonginn pawl an thianh, i thongtla an chuahmi hna zong an um. Myanmar zong hi thongtla tam nawn a chuah hna ahcun a ttha bik lai tiah Human Rights Watch nih an ruah.

Myanmar ahhin thonginn 46 a um i rianhrang ttuanmi hna umnak 50 a um i thongtla 66 000 lawng a tlum nain a tlawmbik in thongtla 92 000 leng an si lai tiah ruah a si. Mah hi chung ah 15% hrawng hi cu an biacaih rih lomi an an si.

Thawngthanhnak ah siseh ngandamnak lei le theihhngalhnak lei ah a zaangder tukmi Myanmar ah rai nganpi a tlun tikah thongtla pawl hi ruah chih an hau. Ram pumpi thongtla vialte caah Nurse 80 le siibawi 30 lawng an um tiah Assistance Association for Political Prisoners (AAPP Burma) nih ripawt a chuahmi ah hmuh a si.

A bia caihpiak lo in thong ah sautuk a um cangmi hna, cun a dik loning in thongthlakmi hna, politics ruang ah a tlami hna le journalist hna hi cu a chuah hna ding an si tiah HRW nih cun fakpi in an forhfial.

Laknak: Teirial Catialtu

 166 total views,  1 views today

This function has been disabled for Chin 11 News.