Hruaitu ṭhalo, Lih Chim Hmang Pa Ruangah Rampi Zong Zohchia Le Mualpho Dirhmun Phan

US hruaitu ah Donald Trump rak chuak hlah sehlaw, Covid-19 zawtnak rungrul nih US vawlei cu a phanh hmanh khi a rak phan kho lai lo. Mah kong hi hrilhfiah herhmi si lo i, ca a relmi le thil sining a theimi nihcun hngalh dih ciomi a si.

Covid-19 nih US vawlei a phanh hnu ah, lih a chim peng rih. Uknak huham a kut i aa hum khawhnak dingah, thawnglatu a volhpamh hna, dokalhtu party sual a phawt hna. A ram chungah a lut cangmi zawtnak rungrul kong aa theihter lo. Zawtnak a zual tuk hnu zong ah lih a chim peng thotho. Lih in a hnemh hna. A um lomi a um a ti hna. Thilri umnak hmun ah, rammi caah kun i mi nawlpat ai nautat.

Zei tlukin dah a zual cang?

Tuan deuh, CDC lei an tuakning ah minung 100 mizaw lakah minung 1 tluk hmanh an rak thi lo. Cozah ṭha, rammi nunnak le himnak a ruatmi cozah an si ahcun, mah cu mortality rate nak niam hmanh khin izuam caan an rak ngei. Nain, caan cu amah liam in a liam lengmang ko i, a au sawh lawngin a au, mipi hnemh le hlen, amah thimfung lak khawh ding lawng a tuak tikah, nihin ni ah cun, Mizaw positive case dihlak 311,357 lakah mithi 8,452 an si. Minung 100 ah cun, 8,452/311,357×100=2.7 and something hrawng ah an kai.

Minung sing khat lawng kan thih ahcun, kan thil tuah a ṭha tuk i a tlamtling kan ti khawh ti lei in ai la salam. A tam cem 240,000 lawng a kan den lai a ti huar. Caan a liam. Atu milu 265,000 renglo nunnak a liam lai a ti ṭhan. US nih fimnak le thiamnak a ngeih lo khi si lo. An hruaitu hruh, lihchim, le hrokhrol ruangah an mual a phonak si.

Kam khatlei ah, Germany ah mizaw sing khat dengmang an phan ve. Nain, an ithlopning a ṭhat caah mithi an tlawm, 1,444 lawng an thi i, cu nakin mithi an tlawm chinchin nakding le zawtnak a karh ti lonak dingah an izuam. A ngawi rin an bialter.Vunraang ram lakah, Australia ikilven daan an fel bik hlah maw ti awkin a um. An ram milu zong a tlawm tikah, ikilven zong cu a fawi ti khawh si hnga. Norway tbk Scandinavian vunrang pawl lam cu ngandamnak lei kongkau ah cun, vawlei tahfung an si tawn bantuk in mizaw an karh hmanh ah mithi an um tuk lo.

***
A ngawi riin hmanthlak khi US ta a si

Catialtu: Salai C Alexander

 481 total views,  1 views today

This function has been disabled for Chin 11 News.