Hringtu Nu Pakhat Nih Phe-Kah Nak Ah A Fale A Zuar Hna

Argentina ram ah hringtu nu pakhat cu a hawikom sinah phe kah nak in a ngeih mi dihlak a sungh dih cang caah phaisa thap awk a ngei ti lo I a fale cu tangka thap ding ai ah a thap hna.

Phe an I kah nak hmun hi anmah inn ah a si I caan sau ngai phekah in caan an rak hmang cang hna. Hi nu a fale hi minung 8 an si hna I cu chung ah minung 4 hi phekah nak ah cun a thap hna. A miak mi paoh nih a fale cu an duhning paoh in tuah nak nawl a pek hna hi a si. Hi nu hi kum 29 a si I fa 8 a ngei mi ka si tiah a chim tikah an khuaruah zong a har ngai cio hna.

Cun phekah nak a hawikom pawl hi minung 5 an si hna I minung 4 hi cu tleirawl tete an si caah an inn pawngkam mi hna zong nih an rak remlo ngai mi hna a si. Cu ruang ah inn pawngkam a um mi hna nih an tlik/zam khawh lo nak ding ah inn lenglei innka an hrenh khumh dih hna hnu ah police sinah report nak an tuah hna I police nih cun an dihlak in an tleih hna hi a si.

Hi phekah nak phu chung ai tel mi hna lakah upa bik hi kum 33 a si adang minung 4 hna cu kum 13-15 karlak tleirawl an si hna. Hringtu nu nih a fale phekah nak ah a thap mi hna hi a hawikom nih an miak caan paoh ah an duhning paoh in zeitik caan paoh ah sualpi nak, tleihhrem nak nawl an ngeih caah an duh ning paoh in an tuah hna. Cu ruang ah Argrntina thawngzamh nih cu inn cu “tihnung bikmi inn” tiah zong thawngzamh nak ah an langhter.

Hi phekah nak ah ai tel mi hna minung 5 hi riithai sii a tawngtham mi pawl le zu tama pawl an si hna. Cu ruang ah police riitsii case le tleihhrem case in biaceih piak ding ah an hren ko hna. Cun hringtu nu zong cu hngakchia in sipuaizi a tuah tiah fakngai in biaceih biak ding in a hmuh an phonh piak hi a si.

Ref: D Nae Khit

 137 total views,  1 views today

This function has been disabled for Chin 11 News.