Hringtu Nu Le Pa Nih An Fa Le Hngakchia Paruk Zei A Hngal Rih Lo Mi Cu An Liam Tak Hna

Nu le pa neilo , zeihmanh a thei rih lomi hngakchia 6 hmailei an kong ruahah ngaih a chia i thinlung a fak tuk hrinhran.

Indonesia ram Kota Balikpapan khua i a um mi SiTi kum 38 nih fa 6 a nei i, a fa hniang cemte a chuah i caan sau hmanh a ruah hlanah thikai zawtnak in a liam tak hna .

Hngakchia tete cu kanu ti i kawh ding mi an nei ti lo i, an tap lio cuahmah ah, a hring tu hna an pa cu a hringtu hna an nu hmanh vui hlan ah thikai zawtnak in a liam tak ve hna.

Ka fanu SiTi ruak hmanh an vui hlanah, a pasal zong dam lo nak ruangah siizung kan kalpi ko nain a nunnak an chanh manh lo tiah, SiTi a nu nih a chim.

Nu le Pa tel loin hngakchia zeihmanh a theithiam rih lomi hngakchia 6 cu an veng le an sang nih an zaangfak ngai hna i, bawmhnak zeimawzat an pek ko hna nain hmailei ah zeitin an um lai tiah an caah ruah ding a tam tuk tiah an chim.

 150 total views,  1 views today

This function has been disabled for Chin 11 News.