Hringtu A Pa Asi lomi Nih A Ti Ning Cu Ka Mitthli A Tla Ko!

Nikhat cu mehhang a zuar i a vakmi pa Soberan timi pa nih a lawi lei ah lamkam i hram tampi lakah bawhte ttah thawng a theih. A va zoh tikah cun bawhte chuak ka a rak ttap komi cu a hmuh. A pawngkam a vun zoh i a vun hngah deuh hnu zongah ahohmanh an um lo ti a theih tikah bawhte cu a lawipi. Bawhte cu nu a si i, a min ah “Jyoti” a sak. Aa lung aa lawmh taktak. Hi lio ah hin Soberan cu tlangval kum 30 a si. Nupi zong nei loin ngakchia cu zohkhenh aa tim. Dawtnak he zeihmanh chambaumi ngeilo dingin a zokhenh.

A rak upat hnu ah sianginn a kaiter i, caa zong a thiam kho taktak. Cawnnak leiah a kal lengmang i 2013 khan tha taktakin Computer Science a graduate. Competitive exam caah a tim ve. Cun 2014 ah Assam Public Service Commision zong tha tein a dih. Asst. Income Tax Commisioner ah cozah rian a hmuh. Hi caan ah hin a pa cu aa lawmh tuknak ah a mitthli he a ttap. A pa cu zohkhenh hram a thawk ve. A pa cu mehhang zuar ti lo ding le a rianttuanmi mak dingin a nawl nain a pa nih a duh ve lo. Soberan nih tihin a chim “Hnawmhbawm ah bawhte ka char a si lo, lungalhkhomi khur ah lungvar kaa char” tiah a ti. Ref: Mizo World News