Hollywood Minthang Brad Pitt Cu Pasal Nei Lio Mi Germany Model Nicole Poturalski He An Duh

A tu lio Hollywood milar Angelina Jolie pasal thing Brad Pitt nungak tiah an chim mi hi, Germany model Nicold Poturalski kum 27 nu hi,  pasal nei lio mi a va he a um lio mi a si. Brad Pitt le Angelina Julie hi an i then nak cu kum 4 hrawng a si cang nain then nak ca zong an tuah rih lo an buaipi lio lawng a si.

Brad Pitt le Nicole Poturalski hi France ram ah, nuam taktak in an ceeng ti tiah source pakhat nih a chim. Nicole Poturalski hi kum 13 a si khan model ah a lut i a hunglar thluahmah  i a hlawh a hungtling ngaingai mi a si, fa pa a nei cang i a fa hi kum 7 a si cang. Brad pitt le Nicole Poturalski hi an i duh nak hi thla 9 hrawn a si cang tiah Daily mail nih a tar.

 

 

Brad Pitt le Nicole hi 2019 August thla khan,  Nicole Poturakski an pa Restaurants ah an i hmu i, cu an i hmuh nak ah cun Nicole nih hin a phone number a pek i, model a si caah khual a  tlawn nak poh ah Brad Pitt he an i chawn peng tiah an chim. Nicole Poturalski hi an pa he zong an i then lo pasal nei lio mi a si i, an pa hi kum 68 mi a si. An pa le Brad Pitt hi a luan cia mi kum tam nawn pi ah khan a thei hngal i a kom mi an si.

 190 total views,  1 views today

This function has been disabled for Chin 11 News.