Hmongtlang Le Leitak (B) Buainak Kong Ah Pyithawngsuh A Cozah Nih Bialeh Nak An Tuah Mi

Note: Hmongtlang le Leitak kong hi MP Bawi Khing nih Pyithawngsuh acozah sinah a chuah pi mi a si i Hluattaw meeting  lei nih bialeh nak an tuah mi cu a rak tial than mi a si. 

Chin State,Thantlang peng,Hmongtlang Ohsuh Hmongtlang le Leitak(B)(Hmontlang Vs Leitak(B) )kar lak ramri kong ah buainak cu(21-6-2016) in aithawk i, Chin State Cozah nih siseh, Hakha District zungin si seh Thantlang tuanvo ngeitu hna nih vui tampi
remhchunhnak le tlangtlaknak antuah lengmang ko hna na in kum 4 a rauh tiang kaphnih khua hna nih cohlan khawh nak an tuah kho ti lo.

Cu caah Hmongtlang si seh Leitak siseh an khua hnih in cunglei report an ni tuah mi kha theihpi ve ding in an ka peek ve tik ah hi hna khua hnih karlak ah dawtnak le remrualnak a um than khawh nak hnga siaherhnak nganpi he Pyithawngsuh a cozah nih tlangtlak piak ding in a vui 16 nak Hluattaw meeting ah bia hal nak ka tuahmi cungah bialehnak anvun ka tuah mi cung ah lehnak an ka tuah.

Cu lehnak an ka tuah mi ah ”2008Uknak phunghram upadi pohmah (54 )ah State le Division ah si seh, Self administrative Area ah siseh, Ohsuh le Zatkuat, peng le khua le District ramri remhnak siseh, a min thlen ding a um sual tik ah, cu ka i a um mi State le Division Chief Minister nih a zohfel dih cikcek hnu ah Ram Upadi athiam mi Attoney ruahnak le Pyidawngsuh Attoney vialte ruahnak peek mi chungg in zohfel dih hnu ah President sin ah thohkhan tin piah nak a tuah lai i rampi President nih a herh ning in a tuan lai ti a si.

Cu caah Leitak(a) le Hmongtlang buainak he pehtlai in 2008 uknak phunghram updi pohmah(54)bantuk in ,Chin State Prime Minister nih Kawlram President sin ah tlamtling te in a ap dihcang ca ah President nih a chuah mi order ning in a si te lai ca ah Hmontlang le Leitak kar ah rualremnak tlung ko seh ti hi ka thlacamnak a si.

Catialtu: MP Bawi Khing

 188 total views,  1 views today

This function has been disabled for Chin 11 News.