Hmawngtlang Le Leitak Kong Ah MP Palai Pi Ni Sui Lian Biachim Hi A Mak Ngai

ThantlangPeng MP Palai Pakhat a bia cu khuaruah hal ngai asi

Hmawngtlang le Leitak kan buai cu nan theih dih cia a si ko lai. Cucu kumli chung kan lai cozah nih a kan tlangtlak ko nain nihin ni tiang a dong kho bal lo. Cu kan buainak hmun hma hrawng cu kan lai cozah nih, “biakhiahnak (decision) kan tuah hlan ah nan khua hnih in a buaimi hmun hma ah zeihmanh nan tuah lai lo nan mah nawl in vawlei tlangkhat zong nan tong lailo tiah kan khua hnih in”, a kan ti. Cu cozah bia ning cun (decision) an tuah ding cu kan khua hnih in kan hngak. Asinain atu lio Covid-19 zawtnak ruangah cozah telh in mizapi lung retheih in kan um lio caan asi.

Cucu Leitak nih caan tha ah an i lak i kan cozah pi nih zeihmanh nan tuah lai lo, nawl zulh loin a um mi paoh cu phungning in dantat nan si lai an tinak hmun ah cun Leitak nih inn-hmun an chunh i inn an sa. Cucu Hmawngtlang nih an theih i April 6, 2020 ah cunglei Myone ah thong an thanh hna. Cun April 22, 2020 (cawnithumni) ah Myone lein nawl ngeitu U Tin Aung Win (Deputy Township Administrator) le a rian ttuan hawi hna cu thil sining zohfel dingah an kal, cuahcun Thangtlang Peng Pyithu Hluttaw Palai Pi Ni Sui Lian nih an hnu lei in a zulh ve hna.

A hmun cu an van phan i thil si ning cu an zohfel. Cu hmun ah cun kan MP Palai Pi Ni Sui Lian nih bia chimmi cu a kan lau tel i kan khuaruah a kan har tel ngai ko. MP Ni Sui Lian nih a thawh i U Ting Awng Win lei ah, “ 1. Milih hrawkhrol hna ruangah, 2. Mynone nih ngerh-ngawih in zeihmanh nan tuan lo raungah, 3. Chin Pyine a cozah hi mipi cozah an si nain kum thum chung zeihmanh an tuah mi a um lo ruangah hi thil hi a cang”, tiah a ti colh ko. Cu le cang ka cun U Tin Aung Win (Deputy Township Administrator) nih, “mah ti hin bia chim hlah, mah hi cozah nih tuah hlah u tiah a hram thawk tein an ti mi asi. Cozah nawl ngaih loin le phungning hramhram in an tuah chih caah hi tin a buainak hi asi. Cun kan nih cu cunglei in an kan fir ning tein rian kan tuan ko na duh asi ah cun mah bia hi cunglei cozah sin ah va chim hna”, tiah MP Ni Sui Lian cu a ti ve. Cun Hmawngtlang Khua Bawipa zong nih MP Pi Ni Sui Lian cu, “milih le hrawkhrol na ti mi hi a hotedah na ti duhnak hna si’, tiah a hal i an mah pahnih zong thalo ngai in an i chawn ve.

Hi ka zawn ah ka chim duhmi cu kan lai MP pakhat asi mi nih a rak zulh ve hna tikah aw a tha ngai remdaihnak he thilhman chuah khohnak lai a kan remh chunh lai tiah tampi khuami nih an i ruah chih lio ah hi bantuk in MP pakhat nih kaptanh ngeih in le cozah dohkalhnak in bia a chim ko tikah hin cun kan lau i kan khua ruah a har ngai ko. MP pakhat dirhmun he zong a tlak lo ngai in ka hmu. Kan konglam hi cozah nih a rannak in a kan tlangtlak lo ah cun buai chinchin dawh kan si ko cang. Kan cozah pi nih a rannak in a kan tlangtlak i remdaihnak he thil hman a chuah khoh zaunak lai thlacam kan bawm ve hram u law.

Credit: Thawngthawng Zaathang

 147 total views,  2 views today

This function has been disabled for Chin 11 News.