Hmanh Zuamnak Ah Pakhatnak Ngahtu,Suimilam 46 Le Minutes An I hmanh

Thailand ram Pattaya khua ah i hmanhnak (Kissing) an tuahnak ah Ekkachai te nupa nih cun suimilam 46 le minutes 24 chung an i hmanh, i hmanh zuam nak ah pakhatnak laksawng an lak.

Hi i zuamnak ah i tel ding in cun an nu le pa an si cangcun i umhnak ding caa lak aherh, nungak- tlangval uar mi an si caah nu le pa hna thlak pi nak an lak aherh.

I zuamnak ah an neih chungah raw lei caan, ti din caan le daileng caan ti ban tuk an pek hna. Sinain i kuh (pom) pah ding an si. It caan a um lo ruagah mi thenkhat cu lungmit in an tlu tawn.

“Chun-zan dir buin in i hmanh ding cu a awl lo bak mi a si, pakhat le pakhat i bawmhnak a herh tuk” tiin i zuamnak i a tel ve mi pakhat nih cun a chim.

2009 Kum ah hi bantuk i zuamnak a rak um bal cang i sumilam 32 chungah a hmanh mi a theih tu cu Germany rammi nupa tuahkhat an si, pakhatnak laksawng an rak lak bal i tukum i zuamnak ah cun Thailand ram mi nupa hna nih pakhatnak an lak

 89 total views,  2 views today

This function has been disabled for Chin 11 News.