Hluatdaw Meeting A Kai Dingmi Kuzalee Vialte Covid-19 An Ngeih Le Ngeilo Chek Dih Hna Ding

Aralai mi May 18 ah tuah than ding in biachah nak an tuah mi Hluatdaw meeting ah ai tel ding mi hna kuzalee vialte hna cu Covid-19 an ngeih le ngeihlo kong ah chek nak tuah dih an si lai tiah thawngtheih a si.

Hi kong he pehtlai in Pyituh kuzalee a si mi Daw Zin Ma Aung nih a chim mi cu “Naypyidaw ah hluatdaw kuzalee meeting rak kai ding in a ra ding mi hna pawl hi May 9 hlan ah a hohmanh rak phak chung lo ding, cun May 10 hnu ah a hohmanh rak phak lo ding in thawngthanh nak kan tuah dih cang hna.

Cun Hluatdaw meeting a rak kai mi hna vialte nih an chungkhar pawl rak rat pi lo ding in kan chimh cang hna, cun hluatdaw meeting a rak kai mi vialte hna hi Covid-19 check-up dih ding an si dih lai” tiah a chim hi a si.

Cun hluatdaw kuzalee meeting a rak kai ding in thawngthanh mi vialte hna chung a hohmanh bau lo tein an rak kai dih ding a si lai i ngandam lo ruang le kumkhua upa si ruang ah a ra kho lo mi lawng ngaihthiam an si lai tiah a chim chap fawn.

Ref: DVB

 131 total views,  1 views today

This function has been disabled for Chin 11 News.