Hlasak Thiam Po Po Cu Stage Cung A Phak Bakin A Mitthli He Hlasak Ai Thok (+Hmanthlak mak taktak mi he)

Hlasak thiam Po Po cu hla a ngeih mi chung in duhdawt nak hla, ngaihciat lungkuai nak hla le lungleng nak hla pawl he dawh taktak in a sak mi ruang ah mipi lungthin chung ah hmunhma tampi a ngei kho ve cang mi zong a si. Cun single album zong ai chuah ve cang mi a si I a hlasak mi pawl hi mipi nih an uar tuk hringhran. Hlasak thia Po Po cu a tu ah cun hlasak thiam vialte hna nih chun mang ah an manh cio mi One Lady Show zong tlamthling tein a tuah kho ve cang mi a si.

Singer Po Po nih One Lady Show a tuah hi amah caah cun a voikhat nak a si I 29.2.2020 ah khan Mandalay YaDaNarPon Event Part ah hlawhtling taktak in a tuah hi a si. Hi show a tuah nak ah hin Po Po cu pangpar phunkip in tamh mi fashion dawh taktak he mipi mit hlang ngai in a tuah caah mipi zong an I lunghmuih tuk hringhran.

Singer Po Po nih One Lady Show cu hlawhtling tein a tuah khawh mi ruang ah show dih hnu zong ah lunglawmh nak bia zong a chim. Show a tuah zaan I a thil puan hruk eih cu a  mak kho taktak ve. A pumrua that nak vialte le a taktak zeitluk indah a that ti mi cu a langhter dih ve.

Singer Po Po hi sifak ngaktah chungkhar in a tthanglian mi a si I a pi nih ai cawmpi zong a si fawn. Cu tluk in sifak dirhmun in a tthanglian mi nih cun nihin ah hlawhtling ngai dirhmun a hun phak khawh tikah One Lady Show a tuah zaanah hin a voikhat nak bik hlasak ding in stage cung a phak cu a mitthli ai thlak I a tap ruangmang ve.

Zeiruang ahdah na ngaihchiat tiah an hal tikah “hlawhtling ngai in stage cung ka phak ah khan kan hngakchiat lio ah a ka cawmkeng tu kapi kha ka ngai tuk hringhran, a tu ka dirhmun hi hmu ve sehlaw zeitluk indah lunglawmh nak a ngeih ve hnga” tiah Po Po nih cun a chim.

Source: Po Po’s FB

 193 total views,  1 views today

This function has been disabled for Chin 11 News.