Hlasak Thiam Minthang Ngai Pakhat Nih A Nuphung Theih Nak Thi A Chuak Mi A Din Than

Sweden ram ah hlasak thiam minthang ngai a si mi nu pakhat nih an ramchung nu vialte sinah “nu nih cun nuphung kan theih nak thi a chuak mi hi kan din than hrimhrim ding a si” tiah a rak forhfial hna. Hi nu nih a chim nak ah cun nuphung kan theih lio ah a chuak mi kan thi hi kan din than a si ah cun nuphung kan theih chung acaanzong a tawi deuh tiah a chim.

Hi nu hi a min ah Bianca Ingrosso a si i Instagram ah follower zong 1 million lengkai a ngei mi a si i Instagram ah hin nuphung an theih tikah zeitindah awl-zaang tein kan i ven ning a si lai ti mi hi tampi a chim lengmang mi a si. Bianca Ingrosso nih a chim mi cu “nu nih nuphung kan theih lio (period lio caan) ah awl-zaang tein kan um khawh nak hnga ding le pangfah an tuar nak hnga lo ding ah a tha bik mi cu kan thi a chuak mi din than hi a si.

Kan thi a chuak mi kan dinthan ah cun period caan zong a tawi pinah pangfah zong a um lo. Cun thisen kan din than nak thawng in a miak kan hmuh than mi cu vitamin kan chanbau mi vialte kha tlamtling tein kan hmuh than” tiah a chim. Hi ruang ah Bianca Ingrosso cu soisel tu tamtuk an um nain cheukhat ve nih cun a hman mi a si ko, keizong nih ka tuah ve ko tiah a rak chim mi zong an tamtuk ve.

Ref: D Naekhit News

 185 total views,  1 views today

This function has been disabled for Chin 11 News.