Hlasak Thiam Minthang Myo Gyi Cu A Voihnih Nak Result A Chuak Than Cang

Iran Cross chungtel minthang le mipi nih uar taktak mi hlasak thiam Myo Gyi cu COVID-19 a ngeih le ngeihlo theih/hngalh khawh nak ding ah check-up nak felfai an ngeih hnu ah kan hnuzarh chung ah khan a voikhat nak result a chuak mi ah Negative a rak si.

Cun a voihnih nak result zong a rak chuak than cang i tutan a voihnih nak result zong ah Negative a si rih ko tiah Dr. Aye Aye Aung nih DVB thawngzamh sin ah a chim. Hlasak thiam minthang Myo Gyi cu a voihnih ning tein Negative a si cang caah sizung in chuak nak nawl pek a si kho cang tiah zong theih a si.

Asinain zarhthum chung cu Quarantine chiah rih a si lai tiah zong Dr. Aye Aye Aung nih cun a chim chap. Hlasak thiam minthang Myo Gyi hi tuthla chung ah Hotal Quarantine ni 14 le Home Quarantine ni 7 chung chiah a si lai i a dihlak in ni 21, zarhthum chung quarantine chiah rih a si lai.

A tu Myo Gyi umnak sizung Way-Ba-Ki Hospital hin minung 25 hna cu sizung in chuah nak nawl pek ding an si cang i cu chung cun minung 3 cu sizung in an chuak cang hna tiah Way-Ba-Ki sizuung ukbawi Dr. Aye Aye Aung nih cun a chim.

Ref: DVB

 229 total views,  1 views today

This function has been disabled for Chin 11 News.