Hlasak Thiam Minthang Chaw Suh Khin Zong Zuamnak Ah Ai Rak Tel Ve

Myanmar rampi ruahnak cheutu a si mi Daw Suh nih Mask zuamnak a tuah mi ah hlasak thiam minthang a si mi Chaw Suh Khin zong ai telve tiah Irrawaddy News nih a langhter. “Ka hngakchiat lio tein puan thit hi ka rak huam ngai mi a si.

Covid-19 a chuah ah hin Mask thit ding hi timhlamh nak zong ka rak ngei cang ko nain zeitin dah ka thit lai ti hi a ruah awk ka rak thei lo. Mask hi tuah 3 a si lawng ah Health Department nih an cohlan ding a si fawn. Cuti cun Youtube ah Mask design pawl hi ka zoh hna i ka duh mi pungsan ka hmuh poh ah ka chungkhar caah kan thit piak tawn hna.

A tu i zuamnak ah ka tel ve mi zong hi laksawng ka hmuh le hmuh lo kha biapi ah ka chiah mi a si lo, Daw Suh nih a tawlrel mi zuamnak ah i tel ve hrimhrim hi ka duh mi a si” tiah Chaw Suh Khin nih cun a chim. Chaw Suh Khin hi May 13 ah khan Daw Suh nih atawlrel mi Mask zuamnak ah a lut ve i May 15 a chuahni ah khan a hawikawm pawl le a chungkhar pawl cu amah thit mi Mask cu laksawng ah a rak phawt dih hna.

“Hmailei zong ah Mask hi fashion pakhat bantuk in kan i bunh lengmang ding a si ko. Kan caah a thathnem lawng hmanh si loin kan pawngkam le ka hawikawm caah thathnem nak a ngei mi a si” tiah zong Chaw Suh Khin nih cun a chim chap.

Daw Suh nih mask zuamnak a tuah mi ah hin minung 21,120 an i tel kho hna i cu chung ah minung 12 an thim hna lai i laksawng phun 4 an pek hna lai.

 91 total views,  2 views today

This function has been disabled for Chin 11 News.