Hitluk A Fir Mi Le A Hrokhrol Mi SAC Ralhrang I Zungzal Uk Ding Nakcun, Chinmi Kan Ci A Mih Tiang Kan Doh Hna Lai

Chinram ah SAC ralhrang minung tampi an rak kai tiah theih a si i, Kan lai mi tampi nih kan ruahnak kan chim cio. A hodah a palh a hodah a dik tihi ka chim duhmi a si lo. Salai Lung Thli Tum nih kah lo ding tiangin thla ka cam a ti. A mawh lo, kan chimram ralkap le kawlralkap thazaang a ruah tikah kan mipi kan tuar tuk lai i, Kan ralkap kan thituk lai tikhi a phan caah kah lo dingin aduhnak a tial mi kan hmuh.

Mah kongah hin kan dirhmun cuaithlai ka duh mi a um cucu, Mindat lei le chaklei laitlang hi a si. Mindat khuapi panh in SAc ralkap motor 90 leng an kai i an kap hna lo. A ruang tampi lak ah pakhat cu Mindat CDF nih an kah hna i fakpi buainak a chuah a si ahcun, lampi an phih lai i Mindat peng le Matupi an ning in rawl ei awk an nei lai lo i an thi dih hnga.

Caan karlak buainak hmanh ah SAC ralhrang nih Mindat cu eidin tiang a phih hna i an mipi rawltam le tihal in an um i an chungsi a vang dih. Mah hihi Mindat CDF nih an ruah caah an kap hna lo bia a si ko lai. An ttih hna i an kap ngam hna lo cu a si lai lo. An sining an i zoh tikah kan mipi an har lai an ti caah an cawl rih lo bia khi a si ko tiah ka ruah.

Hakha le Falam hrawngah ralhrang a hung kai mi SAC Ralhrang hi cu kah chih hna i, lampi zong hrawh dih, hlei zong hrawh dih ah cun kan doh khawh ko hna lai. A kai cia mi SAC ralhrang pawl cu an kham ti hna lo caah an phan ko cang i, a rak kai than ding le an thazaang an i chap khawh lo nak dingah, Hlei le lam hrawh ah a tha bik ko tihi ka ruat.

Cun pakhat ah FAlam peng le Hakha ,Thantlang hrawng cu Mizoram he kan i neih ko i ei ding kong zongah a thi ding tiangin cun kan har in kan tuar hnga lo. cu lawng si loin kan duh herh kan i lak khawh pinah, zei ti maw caan karlak a buai a si hmanh ah fawi tein kan dir kho ko lai, a ruang cu ramri deuh lawng te kan si i, CDF le CNA nih an kah mi hna hi a tha lei ah keicu ka ruat i ka pom .

Mah hihi Mindat lei le kan nih Hakha, Thantlangf le Falam kan dirhmun a dan nak cu a si ko . Zei si hmanh ah hnu tolh cu kan i tim tilo caah raltuknak a peh vima ko ding a si ahcun kan hriamtlai hna nih Kalay lampi le Hlei a ran nak in an hrawh ah a tha bik ko lai. ralhrang nih an kan tei dingmi cu a ho hmanh nih kan duh lo hitluk mifir le mihrokhrol i uk le pen ding nak cun kan ci a mih tiang in kan tuk ko hna lai tihi ka ruahnak a si, teinak cu Pathian sin in kan hmuh ko lai. Kalawm.. By pahmung mh

Be the first to comment

Leave a Reply

Your email address will not be published.


*