Hi Thawngpang Hi President Trump Caah Cun Lungfak Tuk A Si Ko, A Mawh Bak Ve Lo

A ramchung miphun dawtnak he bawmhnak bawmhnak an pek mi hna cu mi hrokhrawl nih million $501 an fir timi thawngpang nih hin President Trump cu a zawt ter ko lai. A caah cun thawngpang chia ngai zong a si ve ko.

Maryland Ah Uemployment Benefit An Fir: US cozah nih rian ngei lomi hna caah Unemployment Benefit phaisa an pekmi hna chung in mi hrokhrawl hna nih million $501 an fir tiah Maryland Governor Lary Hogan nih a facebook ah a tial. A firtu hna hi minung 47,500 hrawng an si lai tiah zumh a si.

US citizen a simi hna, national identity le an data an fir hnu ah Unemployment bawmhnak an sawk I phaisa an chuah ti a si. A firtu minung tam deuh cu State dang minung an si an ti. Atui hi FBI nih hlat hlainak an tuah lio a si I, a rauh hlan ah an tlai hna lai tiah zumh a si. Federal cozah nih Pandemic Unemployment Assistant cu July 31 ah dither an timh cang.

White House Cafeteria An Khar: White House chungah a ummi, rawl einak, Cafeteria I riantuantu pakhat cu coronavirus zawtnak a ngeih caah Cafeteria cu an khar colh. Mah cafeteria cu The Eisenhower Executive Officer inn chungah a ummi a si.

Tuzarh chung vialte cu khar dingah order an chuah cang I, zeitik an on than lai an chim kho rih lo. White house chung riantuan mi vialte cu hmai huh hman ding in an chimh cang hna.

Catialtu: Salai Lairamthang

 255 total views,  1 views today

This function has been disabled for Chin 11 News.