Hi Ruang Ah Hin President Trump Hi Mark Tamdeuh Ngaingai A Hmuh Lai

Miphun thleiden nak a tamtuk tiah mipi an au cuahmah nak hmun US rampi ah zeitluk indah minung hi kan itlukruan ko ti langhter nak ah minak miphun chung in a voikhat nak bik US ramchung ah vanlawng ralkap hruaitu hna lakah a ngan bik mi cu june 9 ah khan rian pek a rak si.

Republican Party member pawl nih an thithruai mi hna hluatdaw pawl meeting an tuah nak ah Gen. Charles Brown hi vote 98 an lungtlin pi mi a si i duhlo nak lein vote pakhat hmanh umlo bak in minak miphun chung in a voikhat nak bik US Air Force chief ah thim mi hi a si i President Trump zong nih US tuanbia ah pakhat nak bik a si tiah a chim.

Gen. Charles Brown nih Air Force chief ah an fehter hnu in zeitluk indah US ram le mipi caah dawtnak le lungput tha a ngeih nak kong zong a chim i Air Force chung a um hlan le a um hnuin a thil ton mi kong zong a chim ve. Gen. Charles Brown  hi tulio ah cun Pacific Air Forces ah ralkap 46,000 a hruai lio mi hna a si i kum 36 chung zumhlak tein US ram caah ralkap rian a tuan cang mi zong a si.

Gen. Charles Brown (kum 58) hi Africa miphun a si i minak miphun a si ko nain US Air Force ralkap hna lak ah a nganbik ah thim a si mi nih hin zeitluk indah President Trump nih miphun tleiden nak le nautat nak a ngei lo mi a si hi alanghter ngai tiah zong an chim cio mi a si. Cun American ram ah cun mi vialte hi tlukruan nak kan ngei cio, kan I khat dih ko ti zong a langhter ngai caah hi nih hin President Trump caah tamngai mark a pek lai tiah an zumh cio.

 364 total views,  1 views today

This function has been disabled for Chin 11 News.