Hi Ruang Ah Hin Kan Duh Zong, Duhlo Zong Ah NLD Nih Cozah An Tlaih Rih Ko Lai

Na duh ah Cepa, duh lo zong ah Cepa

NLD Cozah nih Chin state Chung ah party dang Hmunhma pek an i timh ti lo

2008 Upadi ruang ah Kawlram uk nak cu presidential system a si caah, pyithong suh ah teinak vote a tam bik mi party poh nih, president tuan a si tik ah NLD party nih president cu an tuan than hrim hrim ko lai.

2008 Upadi 261-262 ning thiam thiam in president nih minister pawl thim an si tik ah, president nih State minister vial te cu a thim than hna Lai.

2015 lio ah khan ZCD party cu NLD he alliance (mahameh )a si caah, chin State chung ah hmunhma Rian Tuan khawh nak (decision tuah nak nawl) nawl pek ve an si, sihmansehlaw 2020 Pin lei ramser siam nak caah cun, NLD party nih chin state chung ah a dang party pawl ( Nawl ngeih nak) hmun hma pek an si ti Lai lo tiah fianter nak tuah a si cang.

2008 Upadi remh a si hlan chung poh cu Party dang cu kan duh ah cepa kan duh lo zong ah cepa kan si cang, Party dang hi rian an tuan kho lo ti nak a si lo, an tuan khawh mi thil hi chimh awk tlak lo a si, lente celh lio i a leng lei in Kan aulen cu kan tha tu a ba ko lai, kuin chung tu ah hin lente a celh kho mi dirhmun kan si a herh. Ram na dawt tak tak a si ah cun kan dirhmun hi zohthan kan herh.

Catialtu: Hrangtin Thang