Hi Nu Hngak I A Van Chia Mi An Um Ti Lai Lo, Pasal Pa Thum A Nei Cang I Ral Kut In An Thi Dih A Pali Nak A NEih Mi Hi Ral Ram Ah A Um Rih

Afghanistan, Sadeqabad khua i a um mi Taj Bibi (kum 33) i a pasal pa thum cu ralkap an si i, an dih lak in ralkut in an thi dih. A tu hi pasal 4 nak a nei than i a tu a pasal zong cu ralram ah a um lio a si, nuhmei si a duh lo tuk caah thla a cam peng.

A pasal pawl cu Afghan ralkap an si i, Taliban tapung he an i do tawn. Afghanistan ralkap le Taliban tapung cu a hlan lio pi in a rak i do peng mi an si. Mah nu Taj Bibi cu fa panga a nei cang mi a si i, a tu hi a paruk nak ding a pawi lio a si.

 

Taj Bibi hi Kum 18 a si ah ralkap aminullah he an i um, an nun an i nuam ngai nain Taliban tapung he an i kah nak ah a thih tak. A pasal thih thlakhat nak ah pasal nau pa he an i um nolh.

Pashtun miphun an si i, an nunphung ah an unau i nupi an neih i an thih tak hna ah cun neih a thiang. an unau pa nih a thih tak a si ah cun midang neih nak in an mah chungkhar i pa a um mi nih neih siseh tiah an feh ter.

Nau a pawi lio ah a pasal 2 nak nih a thih tak thiamthiam, thla tthum chung an nupa in an um hnu ah, an pa nih a thih tak than, cu hnu ah a pasal naupa he an i um than nolh i, hi a va cu Police officer a si i, 2017 kum ah Taliban pawl nih an thah piak than.

Cu kum thotho ah an naupa Aminullah he an i nei than, a tu a pasal zong hi ralkap a si i, ral ram ah a um lio a si.Taj Bibi nih cun a caan ah hin cun Taliban hi ka mawhchiat hna A caan ah cun Afghanistan cozah hi ka mawh chiat hna, a caan ah le ramdang ralkap pawl hi ka mawh chiat hna. Asinain keimah le keimah hi ka mawhchiat tawn, kei hi cu mi vanchia hrimhrim ka si ko a ti. (IND Time )

 70 total views,  1 views today

This function has been disabled for Chin 11 News.