Hi Nu Bantuk Hi Na Duh Phun Maw Si Na Huat Phun

Hi zia phunnga hi theih na duh veko lo maw? Hi phun-nga chungah nai tel ve ko ahcun chikhat cu an pehtlaih men lai nain zungzal ca ding cun an thim thenglai lo.

Pakhatnak Theihthiamnak a ngei lomi Nu. Duhdawtnak ah a biapibik micu pakhat le pakhat theihthiamnak ngeih hi asi. Theihthiamnak um lonak hmun ahcun vok le ar hmanh an ngam lo silo maw? Minung nihin nichiar ti awk in tlamtlin lonak siloah piahtana kan ton lengmang, kan tonmi thil fat le ngan lawnglawng asi. Cu sitik ah theihthiamnak siloin isik nak lam hna a kawl mi nungak nihcun a hlei in a tlangvalpa kha a lung a buaiter cang. A chelcaan cun cucu a phung siko tiin lungcan ai pe men ko lai. Asinain a caan a vun rauh deuh i a voi a tamtik ahcun a lung a dong kho. A duh minu lila kha harnak petu le buainak chap tu pakhat bantuk ah an ruah caan a um kho. Ahlei in pa cu innchungkhar a dirhte ding an si caah nunak in an ruah mi le an i zuam mi a tam deuh ti hi na theih ding asi. Innchung khurkhar kongah siseh a mah pumpak rian ruangah siseh ai manh lo i caan an pekkhawh lo caan a um kho, siloah an tonkhawh lo caan a um kho. Cu lawng siloin a chelcaan cun lungdai tein i dinh le mah te lawng khuaruah kha a duh theo tawn lai. Cucu nu tampi nih a ruah awk nan thei maw? Hiti a chelcaan dai tein ai dinh caan pawl ah, na ka duh tilo maw, caan na kape kho lo tiin buai hnawh le le unh a hmang minu cu an duhtuk minu a si zongah kaltak an ngamh caan a tampi.

Pahnihnak A Hleihluattuk in သ၀န္​တို(hnahchuah)Hmang mi- Nu asimi paoh nih an duh mipa sinah သ၀န္​တို(hnahchuah) an hmang dih. Cucu pheh awk a tha lomi asi. Cun, khi liocaan te khi nu duh an nunbik liocaan asi fawn. Ma balte nu pakhatkhat he siloah neihniam in um minu paoh he nan i duh, nan i remtuk ti i a lamkip in buai hnawh le ngiar tbk cu pa nih an rem kho lo. Cu lawnglo, na duh mi tlangvalpa zei na rello le, na nek bia zong asi. Na tlangval cu a riantuannak ah siseh a thantti hawikom le a sianginn kai tti hawikom zong tampi a ngei ve ko lai. Cu lakah duhnung mi nungak le ai dawh mi nungak paoh a duh hna lai tiin na ruahkhawh men, cu na ruahnak cu a palhtuk. Hihi rak thei peng, “tlangval pakhat nih nungak pakhat biatak tein a duh cang ahcun nungak dang kha a mit ah siseh a thinlungah siseh hmunhma an khuarkho tilo. A biapi micu a zatawk zohthiam in kilven le runven thiam i zuam. A hleihluat in na tlangval cungah သ၀န္​တို(hnachuah) na ngeih ahcun na tlangval caah thilrit na sikho.

Pathumnak A tlangval Uk Tuk Minu- Caan hman tein phone chawnh fial, hawikom he i pehtlaih deuh paoh ah thinhun, mahi na tuah lailo, ti hin na um lai lo tbk biapawl a tamtuk tikah na tlangvalpa kha a lung na buaiter cang. Lungfim asi ve cang mi, pa pakhat dirhmun in mah bantuk in uk a toncun zeidah a cang lai tiah na ruah? Na zia a theih cang caah a tonmi thil fate ah siseh, nganpi a siseh a hman ning tein an chim lailo. A ruangcu a hmanning tein an chimh ahcun bia i el le isik ding a fiang, cucaah asi khawhnak in an hlen hau, voikhat an hlen cun voihnih an hlen than ding a fiang. Cucaah nan i duhthok tein zei poah ah na uk lo le a duh mi le a zuam mithil pawl na thloh lo a hau. Cuti asi ahcun, vawleitha ah vorh mi thlaici bang nan zuunmi theipar ai dawh ko lai.

Palinak Nuamhseih a Duhtuk Minu- Ma hi cu hawikom he len le vah lawng a duh mi le social media a hleihluat in caan a pe minu, Shopping kal lawng a duh minu phun khi ka chim duhnak asi. Nungak pakhat nih a nungak lioah ei le it lawngah a caan a dihter ahcun, pasal a ngeihtik ah a pasal nih a kawl mi phaisa kha a herh lo ah a hman dih ko lai. Cawnpiak zong a ngai lomi le a mah duh mi lawng a tuah mi si ahcun, a pasal caah man a ngei ngei lomi nupi bantuk asi. Cucaah kaltak asi ko lai.

Panganak A tlangval a Upat lo Minu. Cheukhat nu pawlcu an mah thilti kho an si ruangah an duh mipa kha zeiah an rel hna lo, tei lawng an duh hna. Papawl nih le an duh minu cu a mah ai bochan mi le upat zia a thiam mi kha an duh ve hna. Zeitluk hmanh in i dawh, zeitluk hmanh in thil cu ti kho ko nain na tlangval nai bochan lo ahcun nupi ca dingtiang in an thim lailo. Pa nihcun a mah a upat mi le ai bochan minu lawng ai thim hna. Nangta, theihthiamnak a ngei mi nungak nai hmuh cang maw?

 251 total views,  1 views today

This function has been disabled for Chin 11 News.