Hi Leirawitu Le Min AUng Hlaing Uico Pahnih Mualpho Seh!

Pathian riantuantu Rev.Langh Khua Hau cu tulio Kalaymyo CDM cawlcanghnak vialte a thli tein a ngiathlaitu asi. Amah nih thil sining vialte ralkap le palek sinah a chimh tawn hna tiah theih asi. Nihin tiangah Kalaymyo mino tamtuk an nunnak a liam cang, tamtuk nih hliamhma an ing rih. Mah vialte hna hi amah khuakhannak a si cang. Rev.Khua Hau cu Kalaymyo mithah lainawng case in tlaih I, thih hlan lo thongthlak a phu mi a si.

Amah lawng si loin, Pu Khai Deih Tuang, Tahan, Kalaymyo, zong asi ve. Hi hna pahnih nih Kalay mino cawlcanghnak a thli tein ralkap le palek sinah an chimh peng hna ruangah ralkap nih mino tamtuk an thah khawhnak hna le an tlaih khawhnak hna asi. Cun, mino cawlcanghnak vialte ralkap nih an theih dih fawn. Lung a fak bak ko hih. Credit: Daily Chin Star

Rechih Ding: February 1 thok in lungrethei in kan um cio. A caan ah kan lung a fak, a caan ah kan thin a hung. Kawlram i a tlungmi sual thalo nih tidai bang a rak um zirzermi kan thinlung kha tilet bang a thawhter. Rammi nunnak a zaza in a paam, kanmah naihniam hawikom le chungkhat nun a hung pam lebang hnu cun, kan kokek thinlung a chuak. Teirulcham in thah ve duhnak le an kan tuahtoning in tuahto ve duhnak thinlung a sang deuhdeuh.

Cu thil cu, kan hmurkaa in a lang. Kan tuahserhnak in zulhter colh kan duh. Hihi minung thluak, thisen le thinlung a umtu ning a si an timi kha a si. Kan mawh maw? Kan mawh lo. Cuti kan mawh lo kan ti liote ah cun, thisen chuah duhnak thinlung a sang deuhdeuh tawn ko. Cun luan kha a har ti lo.

Hi bantuk thinlung tilet bang a thawh caan ah hin, hruaitu fim le tleng lak in hruaitu khuakhannak zulh a herh. Mawngtu a ngei lomi sangphawlawngpi cu, tlang ah aa su lai. Mawngtu cu, hruaitu fim an si. Hruaitu fim nih a bia le a khuakhannak kha a theihpar a chia he a ttha (consequences) felfaite in cuai a thlai. Cu hnu ah a biakhiahnak a kalpi.

CNA/ F ka zumh hna. An der zong ah pumpak nakin an tthawng deuh. Lungfimte in khua an ruat tiah ka zumh. Chin miphun caah a ttha bik in khua an khan hrimhrim lai. Kengkung tiah an cawl lo tiin kan i zai sek mi khi ‘consequences’ tthate in kan hliah khawh lo bia a si ka zumh.

I tuk le i thah cu, fawite in biakhiah phung a si bal lo. Ramleng in aukhuan le forh cu, a fawite. Ramchung mi him deuhnak le a ttha deuhmi thil kha kan miphun ai a awhtu nih thong tam tuk dan in kan nakin khua an ruah deuh lai ti hi a ruah awk kan hngal ko hnga lo maw? Credit: Salai B Chan Khar