Hi Hna Pawl Hi US Buainak Chuahpi Tu Hna Cu An Si

George Floyd cu Palek 4 nih phaisa ttuh $20 ruangah dawr pakhat ah an tlaih hnu ah motor chung lut ding in an nam chih nain lut duh loin aa chan caah an mtor pawngah an thluk i, police officer Derek Chauvin nih a khup in a hrawng ah minute 8 renglo a rial chih hnu ah, “Ka thaw ka chuah kho lo” tiah a au hnu ah sizung ah emergency in a thlikpi i a thi beh.

George Floyd hi mirang rak siseh, mah tiangtiang hi buainak a chuak hnga maw? George Floyd nih police nawl ngai in motor chungah rak lut ko sehlaw mah tiangtiang buai nak hi a chuak hnga maw? Geoge Floyd a hnawng ah a rialtu pa hi minak rak si sehlaw mah tiangtiang buainak hi a chuak hnga maw? timi biahalnak hi kan i hal ciomi a si. Mah buainak hnulei ah thupmi thil a um timi cu a fiangmi thil a si i, a cang taktakmi zong a si caah President Trump zong nih ANTIFA phu cu terrorist group ah an chiah cangmi bu an si.

ANTIFA timi bu cu “anti-fascist” tinak a si i, fascism timi le extreme right-wing ideologies a rak hua ngaimi bu an rak si. Asinain a tu ahcun Republican party dotu le democrats a bawmtu ah an i chuah cang.

ANTIFA timi bu nih George Floyd thihnak cu caantha la riangmang in hmun kip ah buainak le hnahnawhnak an chuahter. Inn khangh, dawr bauh, motor khangh le police he i velhnak vialte hi ANTIFA hna nih phaisa phalh in an tuahmi tampi aa tel ti a si.

ANTIFA nih https://lincoln.craigslist.org/ timi online website hmang in hmaisuang in sandah piahtu dingmi minung 1000 an auh hna i, suimilam tlawmte chungah sign up an tuah dih hnu ah an phih colh ti a si. Suimilam pakhat sandah piah ah minung pakhat $25 in an hlan hna i, June 13 tiang sandah piah ding ti a si. Black Lives Matter” timi tlangtaar in chun zan hlan in sandah piah a si lai. Sandah piah ruangah tlaihmi vialte caah sihni ready tein hlan cia a si nak le anamhkhan in chuah khawhnak dingah phaisa zong ready tein chiah piak cia an si nak zong an langhter chih.

Reuter news nih a tialnak ah Joe Biden campaign staff members hna nih Minneapolis buainak ah police nih an tlaihmi hna minung 13 cu anmahkhan in an chuah colh hna tiah a tial. Cucaah mah buainak ah rawlhralnak a chuahpitu hna hi democrats le ANTIFA timi bu ibawm in buainak an chuahpi mi a si lai tiah zumhnak a um chin lengmang.

Catialtu: Salai Lairamthang

 282 total views,  1 views today

This function has been disabled for Chin 11 News.